父母過分關心我!!我唔想佢咁!!

要解決問題不難。只要你同佢講話:媽咪，你會5會過於關心我呀?我中4了，我會自立的。 除了講之外，當然仲要有行動啦，如：你說被佢聽，你色咩fd、你出外時，說會去邊，同咩人去，個D人個電話號碼等等。

我係個媽咪,也有一個讀中四的女兒,但我都覺得你媽咪的確是"關心"得有點過火。但話說回來,她也始終是出於"關心"。我試下用媽咪角度分析下你媽咪的想法,希望你唔好覺得悶。
我發現你寫這篇嘢時是午夜兩點幾,都好夜喎,你係唔係晚晚玩電腦玩到好夜,所以佢先要你同佢訓,等你無得玩呢?!至於煲電話粥,係唔係一日煲到黑,而且又神神袐袐呢?咁樣你媽咪一定唔放心,一來佢唔想你花太多時間講,二來又唔知你同邊個講,所以先會有用你部電腦玩msn,同你D friend say "hi",這些行為,因為佢好想知你同邊D friend玩,但你又玩神袐,所以佢就跟你返学睇下,放学又怕你跟人四圍去,所以要你打电話俾佢。
至於解决方法,我覺得你應該俾你媽咪知道多Ｄ你Ｄ嘢,例如你同邊Ｄfriend玩,多數玩Ｄ乜,放假又會去邊,如果你是正正經經,根本無嘢唔講得,咁講俾你媽咪知,等佢清楚哂,放心哂,佢就唔會下下check 到實。我都有同我個女講佢Ｄ私人嘢,佢唔會下下神神袐袐,去街會事先話我知,咁我就唔會一日到黑check住佢,而且一定唔會摷佢Ｄ嘢。
我覺得大前題係,你要老實,有D可以講俾你媽咪知Ｄ嘢,講佢知,你尊重你媽咪,佢亦會尊重你,到佢發覺你做事有交帶,佢自然放心俾你長大,放心放你出去,就唔會下下盯到你實叻。

如果係咁既話.真係過份關心.你可以和你爸爸講.or出國讀書.出國讀書後你父母一定唔會再咁做.

或者你可以咁諗「我算幸福啦，阿爸了得，阿媽唔使返工，我已經好過好多人」你會頂得順啲。你改變諗法你就有方法，你話你多嘢做要遲訓早起，你唔想嘈住佢地訓要一間房，冇既上格床都應該冇問題嘛。至於msn咁簡單既嘢，你自己搞掂。