結婚set頭前要做咩準備

我啲頭髮都好幼 & 好薄....
我結婚嘅時候都好似你咁諗，不如去電髮，可能到時會好 set 啲！但原來係錯架....因為我去影婚紗相嘅時候，幫我化妝嗰個女仔話千祈唔好電，咁仲令人難幫我 set！
我結婚嗰日係搵 hair stylist 幫我 set 頭，我又係問佢我洗唔洗電髮，佢嘅答案同影相女仔一樣係：唔好電，直髮好 set 啲！
到時佢會幫我用電鬈整 『攣』啲頭髮，跟住做造型！如果我電咗髮，之後佢再整，會無直髮 set 出黎咁靚.....
如果你啲頭髮好乾好旱嘅話，可以去做 treatment！同埋最緊要係去染髮 & 一定要做埋 high-light，咁 set 出黎嘅頭先有嘢睇 & 靚！

因為我有朋友前果排結完婚, 我亦都有陪住佢整頭。希望可以幫到你。

其實你頭髮少同直都冇問題, 因為直頭髮可以用曲髮棒就已經ok,直變曲比曲變直易得多, 而且好多髮型產品都可以幫到你定型, 呢方面你唔需要太擔心, 交俾髮型師做啦, 如果你俾錢佢返黎做乜。

而且頭髮唔夠亦都唔需要擔心, 正常set頭果個人會有假髮可以幫你加厚/ 唔同既造型, 而且用技巧同髮型產品已經可以令到頭髮睇落去豐厚d, 有時候唔洗「裝假狗」已經做到想要既效果。

其實你應該同你既髮型師傾一傾, 因為可以佢可能會叫你做一做colour夾返d頭飾等等, 其實你唔好大剪就ok, keep返長度同唔好剪碎。

結婚前最好唔好搞個頭啦，電髮和負離子直髮都唔好，電了頭髮，髮型師果日又要同你再捲過，D捲曲會唔好看，所以唔好去電頭髮。負離子會令頭髮筆直，難以用電髮器捲曲，所以自然的直髮是最好的。

亦唔好在婚禮進行前幾日去做焗油或落護髮素洗頭，因為頭髮太滑係很難做定型的，而且髮夾也夾不實。

因此，不要在結婚前搞那麼多了，結婚後，你中意點搞就點搞啦。

結婚 SET 頭其實比較個人的, 依我本人經驗最好電一電, 師傅會
好 SET 些, 髮型變化也可多變, 而且你頭髮較少又長又直
頭髮比較貼面, 看起來死板沒太多變化, 師傅要噴好多定型
膠方可 SET 頭, 比較費時而且重好傷頭髮, 電了看起來頭髮
豐厚有多種造型, 到時可配合晚禮服當然更明艷照人,
完婚後再去焗一焗油.或到時不喜歡曲髮再做負離子拉直也可!
真不用擔心, 我本人幫姐妹SET頭以上是我心得!