20分~點樣可以將某d檔案鎖住??

有兩個方法，而且都唔洗錢的：1。Windows XP Pro 內置加密如果你用的是 windows xp pro，已經內置加密功能 (EFS)，可以將 我的文件> 底下所有文件及 folder 加密。方法：right click <我的文件>，<內容>，<共用和安全性>，選擇加密。不過用呢個方法，就一定要先為自己個帳戶加入密碼，否則你家人/朋友都隨時睇到你 d 文件的：<控制台> <使用者帳戶>，選擇要加自己的帳戶，然後揀<建立密碼>。另外亦千萬要用密碼保護admnistrator 帳戶 (開機時按 F8鍵，入安全模式就見到)，呢個account的權限是最大的，如果你唔落password，其他人就可以入去 administrator度攪攪震，都係功虧一簣的。不過你要留意，任何一個擁有<系統管理員>權限的使用者，都能夠隨意更改或取消其他用戶 (包括了其他的系統管理員) 的密碼的。所以，要全面保護你的電腦或個人帳戶及私人文件，就要將其他的使用者變成 <受限制的帳戶>，否則你呢頭 set password，個頭其他人又可以取消/更改你個 password 再入你個 account 度睇晒你 d 文件，都係無用的。更改其他人 (家人/朋友) 使用者權限的方法：按<開始>到<控制台>，<使用者帳戶>，選擇其他人的帳戶並更改成<受限制的帳戶>就可以。你亦唔需要擔心咁做會影響到家人/朋友日常使用電腦，<受限制的帳戶>仍然能夠做一般工作，包括上網，使用大部份原本已經安裝係電腦上的軟件。只係唔能夠做以下的工作：1. 不能夠胡亂安裝 / 刪除軟件；2. 無法更改系統設定。例如不能夠 disable 個 windows firewall，或更改自己個用戶權限 (即係唔能夠將自己個帳戶昇返上 <系統管理員>，唔能夠自行增加新使用者帳戶)；3. 不能夠更改其他電腦使用者的設定 (不過仍然能夠有限度更改自己個帳戶的設定，例如 wall paper 等)。 這就可以了。2。加密軟件 Truecrypt如果你使用的是 windows xphome的話，並無內置加密功能的，咁就要借助其他的加密軟件了。可選用TrueCrypt，呢個係一個完全免費(OpenSource)的加密軟體，功能強大而且簡單易用，我自己都用緊。最重要，係能夠為現有的硬碟(包括內置及外置) 及 USB手指加密。而且Truecrypt是 open source軟件，絕對不含廣告/間諜軟體，而其他的免費加密軟件/crack 版軟件則不敢包了。不過要留意，呢個軟件並不是逐個文件或folder 加密的，而係會響電腦上建立一個虛擬的 drive，但凡放響個虛擬 drive 內的文件都會受到加密保護，開啟呢個虛擬的drive前就要入 password，否則乜都睇唔到，甚至唔會知道有呢個文件存在。 下載網址http://www.truecrypt.org/downloads.php新手使用簡介 (step by step 教你點做)：http://www.truecrypt.org/docs/?s=tutorial參考資料：http://www.microsoft.com/taiwan/smallbusiness/issues/sgc/articles/protect_data_efs.mspxhttp://www.truecrypt.org/docs/?s=tutorial而且在 setup encryption drive 的時候，亦有 step by step 教你點做，同埋點樣增加安全性的。