貓貓打防役針的地方

打防役針同埋做絕育最好分兩日進行, 咁樣會比較好. 因為有某D貓對防伇針有副作用既反應 (雖然機會微), 但為貓貓著想, 安全D好!

另外, 你貓貓係男定女? 如果係女, 最好向第一次發情前做絕育, 五六個月大已可做! 從未發情做絕育既好處, 係可避免佢患上乳癌既可能性, 當然做左絕育, 連帶其他如子宮癌之類都可避免啦!

如果係仔, 都係果句, 六個月已經可以做手術, 除非貓貓係某D品種, 主人想等佢大個D先做, 等佢某D特徵可以發育得好D... (例如英短, 想佢頭大D圓D, 有D主人中意歲幾先幫佢絕育), 不過呢一點就見人見智啦, 我個人覺得無乜關係..

留意既係, 貓女發情時發出擾人既聲音, 貓仔發情時十隻有八隻會周圍小便, 呢D你要注意

我既意見, 你先行預約獸醫幫貓貓打針, 打針時獸醫會幫貓貓做簡單體檢的, 到時再同獸醫商量絕育安排同時間, 咁就最好喇!

2008-09-30 14:01:50 補充：
唔記得左講,,, 獸醫我已經睇九龍動物醫院, 電話 2382 3300. 由於口碑唔錯, 好多人睇, 所以預約可能要耐D!

另外我都有睇旺角果間pet central, 好老實我自己係有咩急症先去果度睇, 因為好快預到! 今日約聽日都得. 而且其實都OK... 收費仲會比九龍平少少添. 只係我D貓由細都係睇九龍動物醫院, 兩間我都會睇囉~ 電話 2309 2139

我已養左貓6年啦. 希望幫到你. 帶貓貓去打防疫針. 其實每間獸醫診所都有 ka la. 好普通 ka jeh. 因唔知你住邊區, 唔知你近唔近喎. 我隻貓就去開九龍城栢域. 電話 2382 0228. 星期一至日佢地都開的. 可先打去 book appointment / 去到唔使等咁耐 la ma.
其他診所, 都差不多運作啦. 有 D 唔比預約既. 咪等耐 D lor.
幼貓頭一次要每個月打一針先 ka. 三個月內打三針先. 之後滿1歲再打. 然後就一年一次 lak. 佢地打完針, 絕冇反應的. 放心!! 最多係睇醫生時驚 D 姐.
打針時, 醫生會做埋基本身體檢查 ka la. 唔使另外收費的. 絕育方面, 未咁快住 ka. 如果你真係決定唔幫佢生的話. 一定要1歲後先好做呀. 因需等佢發育完成先. 貓貓滿左1歲, 先係成貓 ka.

你可以到SPCA愛護動物協會做齊所有野。查詢電話 2802 0501，預約熱線 2802 3003
http://www.spca.org.hk/chi/home.asp

希望幫到你。