怎樣追討無良傢俬店-恒昌傢俬?

本人七月於鑽石山荷里活廣場恒昌傢俬訂做 床, 鞋櫃, 電視機櫃, 同買一個現成衣櫃, 合共13000左右.
8月尾送貨.

SALES有上來我家度呎吋, 之後有給我看圖,
因為我相信SALES有相當經驗,
所以冇認真考究呎吋是否準確.

結果電視機櫃和床都比想像中高.
可能係我地之前同個SALES溝通有問題.
但還可以接受.

但鞋櫃真不能接受:
- 設計圖寫鞋櫃深度為14吋, 背板厚度3/4吋, 個SALES話係標準, 所以冇質疑
點知做出黎深度真係14吋, 不過係外圍, 而內籠就只得11吋,
因為有兩度熨門, 每隻佔 1 吋左右
男裝7號半鞋巳經吾算大, 都擺吾倒,
女裝波鞋都只係僅僅擺倒.
- 頂層櫃桶只可熨出4吋左右, 連手都幾乎伸吾倒入去
恒昌只係肯FIX個櫃桶, 而深度佢話冇得搞.
雖然我地都有責任研究清楚個設計圖, 但絕對估吾倒專業話嘅標準呎吋竟然攞吾倒普通SIZE嘅鞋,
而佢地又話巳經依足圖去做, 所以吾肯負責, 對此我深感氣結和失望.
*************************************************

事隔一個月
恒昌一直無跟我聯絡
後來我寫信去消委會投訴
該店該店負責人才主動打電話給我
但只係提供一個貼膠布的方案:
即將兩邊側板往後移
兩側和鞋櫃頂會因此出現一吋左右隙縫
他們竟建議用木條填補隙縫

我們建議他們將鞋櫃收回重整,
他說這樣要補錢.

我們認為好好的訂造出來的鞋櫃
要左補右補才能使用, 實在說不過去.
專業傢俬店訂造的鞋櫃竟放不下鞋,
還要客人補錢重整,更是一大笑話.

而對方卻說為我們落單的SALES巳離職
今次只是捱義氣跟進,
而且堅持巳依足圖則做;
因圖則慣例沒有寫明內籠呎吋,
對於該店出品的鞋櫃放不放得下鞋並不負責;
更謊謬的是該店負責人竟說鞋櫃不一定用來放鞋.

結果雙方達不到共識,
我們說需要時間考慮他的方案,
但他卻說若當天不接納他的方案,
此事就此作罷,不得上訴.
野蠻至極.