肌耐力和心肺功能問題

一句話：循序漸進!
你自己都識得話平時好少運動，就唔可幻想忽然間可以體能大躍進。
唔排除你那 <少少貧血> 對體能有影響，但我好肯定話你知：你的問題係好典型因為你平時唔夠運動，係正常現象，唔需要擔心。只要你繼續努力，身體慢慢會適應，就唔會咁累了；就算覺得累/肌肉痛都唔會維持咁耐，會快點回復狀態。運動講求循序漸進的。一般來講，做帶氧運動 (包括你現在的跑步) 都係一星期三次，每次 30 分鐘或以上，並不需要每天跑的，都已經能夠同時增強心肺和改善肌肉耐力了。同埋我建議你用緩步跑，不要快跑，會有好大幫忙，而且依然係好好的帶氧運動。

當然，你現在做唔到亦唔好勉強，別要催局自己；初時做短 d 時間，慢慢適應才加上去吧。

而你所講的<每次一跑到冇力同累就會慢慢行一陣之後有力再跑一陣>都係一個權宜之計，可以一試，等你慢慢適應，體能強化了就可以逐步增長跑步時間，縮短甚至取得步行時間。
至於 <跑完個陣仲有小小暈> 的問題，要留意跑完唔好立即停下來，要改為輕鬆的步行約 5 分鐘才好正式停下來。
還有，如果你係過重的話就不要跑步，因為會傷膝蓋的。可改為行樓梯向上或踩單車。

除此之外，亦有方法幫助運動後盡快恢復的，等你快點適應和改進的，就是補充營養和充分休息了。

一定要攝取足夠碳水化合物和蛋白質，前者提供能量，後者則有助整體健康，兩樣都好重要。食唔夠的話會令身體乏力，無精神，容易病！
休息方面，一定要夠訓！不過偏偏好多人都會忽視。其實傳統的講法一天８小時睡眠係非常重要的，唔夠訓個身體就無法復原了，任你點做運動點食野都係徒然的。而運動後拉筋和沖熱水浴都有助肌肉鬆弛，幫忙身體復完，不過效果比不上補充營養給休息給顯著了。

最後想提醒你：無論你以甚麼目標做運動，都要持之以恆，無得快，無捷徑的。