一次不忠，百次不用？

通常男人都一樣唔想離婚,我在圖書館租看好多關於婚外情嘅書,尤其心理醫生寫的,發現男人有第三者嘅心態，基本上佢地都係想尋求一時嘅刺激，一個好的男人係唔願意離婚的,
因為:
1)心裡依然有個枷鎖(糟糠之妻不可棄),
2)唔想因為一棵樹放棄一個森林(事業,子女,經濟等受到影響)
3)唔想從頭開始(幾十歲從新組織家庭)
4)面對親人,朋友和同事嘅壓力
5)依然想盡好老公好爸爸的責任
我的婚姻亦曾經出現第三者,當時我表示要退出,因為果一刻我知無法勝利,我迫佢同個狐狸精一齊住. 因為專家話:
1)一個從未離開過家庭嘅男人,佢會好掛住老婆,子女,內心不安有罪惡感.個女人一定擦覺倒.如果佢呷醋,個男人會好反感,覺得佢唔體諒.
2)兩公婆相處多年,已經習慣了老婆為佢安排嘅生活所有模式,突然要同一個陌生人生活,反而樣樣有所顧忌
3)由於先入為主,通常都認定老婆做的會較佳,包括飲食口味,生活細節,自然事無大小都會和老婆比較.
4)之前見面談心,一定把缺點收藏,當一齊相處,就會表露無遺.
5)同居一段時間,就會迫個男人離婚,要佢負責任給予名分.男人自然好反感,更加反抗
當年我老公出去幾個月就不斷求我比佢反轉頭,因為我知道太短時間,佢係未玩夠的,日後有可能重犯,我堅決唔接受,直到一年,佢為了要令我知道真的受到教訓,佢同個女人完全分開.我都覺得要玩都應該真係玩夠,我至接受番佢.
而家已經事隔多年,雖然早期我對佢都仲有好多差疑,不過日子有功,佢對我和家人都比之前更好,樣樣會顧及我感受.一家人呢幾都好幸福!
當有第三者出現,有好大新鮮感.但激情過後,一個好男人通常心裡都好後悔,好想回頭,既然你話唔想離婚,你唯有博一博,等佢玩夠.
我認為一個人試過,玩過,經歷過,會更加珍惜比機會和接受番佢嘅人, 你要努力為自己戰鬥落去,唔好灰心

2008-10-01 15:31:16 補充：
你依家嘅情況我都經歷過，奇實呢個過程一定係好痛苦，你唔想離婚就唯有忍耐，只要捱過左就有好日子過﹗
你千萬唔好搞到家嘈屋敝，佢會好反感﹗

努力，加油﹗

可一次不忠，就當他是風；莫三番不實，回頭也是蟲。

你試下對佢冷淡d, 拎返個主導權, 睇佢會唔會對你好d,
如果佢一d危機感都無就留來無用啦...都變左啦...再唔係你試下打扮漂亮些, 跟以前要有很大分別, 一個星期同朋友出幾晚街, 睇佢反應lo~唔好比佢覺得你在家是理所當然~不過講到尾我唔贊成最壞既打算~

你咪又去識男人law, 去多0的街,打扮靘0的, 比佢知道仲有人追你, 如果佢唔緊張,表示佢已經唔愛你, 咁唔要咪算law.

如何永遠維繫一段婚姻。
個人認為相處之道在乎愛與真誠,



保持新鮮感,經常令對方感動,



珍惜相聚的時刻,



無論相處多久都要適當的製造浪漫氣氛,



包容過失,不離不棄,



互相尊重, 忍讓, 體諒,



對對方負責任,



不能存心欺騙, 但也不要過份坦白,



有效溝通亦非常重要!