我由於怕尷尬，所以我決定星期六唔返團契，而且我夜晚要讀書，我都應付不到功課，我唔想返啦。其實我同團友都不是太友好的，無論我存不存在，他們都照樣生活。我同過佢地食好多次飯，我發現大家話題都不岩，佢地講野，我比唔到意見，就算我出唔出聲都死，而我出聲，我見到有些教友好像不喜歡聽，我都不知可以做什麼。
但我最傷心的是，團友B幫團友A，團友B唔明點解我唔返團契，佢就話"有人自閉，唔返團契"，我覺得他勾起我傷心的經歷，因為我由細到大都少出聲，佢話我自閉，但佢又曾經表示我講野有進步，我不知道他的原因是否話我係有進步，但我都屬於自閉的人。但佢串我無用既，我覺得佢夠膽就企在街上大聲罵人，咁一定大把人對佢好好。
我話過自己讀書差，有些教友就話未必所有人都適合讀書，但有些懂人情世故的人話，選擇一D岩自己讀的課程就OK。我覺得無咩可能所有人都要讀港大，中大，科大，POLY先叫叻，我以前做野地方有同事會考好差，但佢最後都做到會計師。
我今日就返"信實"教會，信實教會講個主題好岩我，我覺得自己個情況好似約瑟，約瑟當初因為驕傲，將自己發過咩夢都講比親人知，親人知道後好憎佢，到佢最後比兄長出賣，佢要經歷好慘的生活，但接近生命的盡頭，佢的生活好好，D親人以為約瑟會出賣佢地，但最後約瑟都無咁做。我覺得這故事對我好有啟發。
其實"良善"教會都有講過呢D道理，只不過係我無用心領受。
我有以下問題。希望大家解答。
1)在"良善"教會我其實都認識到一班好好的姨姨，傳道人，我覺得同佢地相處都好開心，我返"信實"教會都會有問題，因為在"信實"教會我都遇到以前中學同學，我記得有些中學同學經常蝦我，我不想蝦我的同學知道我的近況。
2)"良善"教會中傳道人話過一個教友離開了一定會對教會有不良影響，我不能話自己不重要，但如果我返"信實"教會，我覺得對我屬靈生命有幫助，因為"信實"教會好多虔誠的教徒。
3)人一定會受到傷害，就算是非教徒與非教徒之間都會互相欺騙，好像我識得幾位同事，但那班同事都會講某同事是非，但有些同事不理會，佢地認為自己做好自己，老板一定幫佢。人與人相處係一門好高深的學問，我可能花一生的時間都學不完，無錯我在很多人眼中不是讀書材料，但也有很多老師欣賞我的學習態度，在公司我的表現不太出色，團友B講過佢覺得我是一個對工作不認真的人。但我心想，我真的要為團友B生存，團友B說的話真的是一切嗎?我覺得無一個人會得到所有人的認同，我應該要相信自己和相信神。同埋我的上司都認為我的工作表現算OK，佢頗欣賞我的工作態度。
本來我同同事有金錢糾紛，"良善"教會的傳道人真係好落力幫我，而上司們都幫過我。我的上司不信教，佢覺得我都係一個乖的基督徒，上司提過我我唔識感恩圖報，我太不知足。
我現在煩緊應該返"良善"教會還是返"信實"教會好?
更新1:
上司覺得我乖，但我待人處事真係好差GA，但佢相信我一定會改到，所以佢先比機會我係公司做。
更新2:
我一定不會離教，非信徒也會傷害我的。