點先可以做明星??10分

既然想做明星,就一定要自己識得爭取多d機會

只係靠入學校話劇組係冇用架,除非你學校話劇組得到外界認同啦

否則你應該參加出面既劇團或者戲劇訓練班

中英劇團同好戲量成日都有搞工作坊,可以去參加

o係果度學既野唔單只專業d,更有好大機會比人欣賞

不過比唔比到人欣賞又係另一回事喇,你要靠自己努力

要記著香港有成千上萬既少女都渴望做明星,競爭好大

好彩你應該算係比較有明星相,較高又識多方面既演藝才能

除此之外,你都要讀好書

做明星唔只靠樣靠演技果d就可以出位,學歷都好重要

雖然學既野o係呢一行好少用得著,但起碼一定既學歷唔會比人一種讀唔成書既感覺

同埋讀書可以幫你領略到人生道理,唔好以為冇用,o係呢一行尢為重要

你要知道香港娛樂圈人人都爾虞我詐,一定要裝備好自己先唔會被淘汰

其實以依家仲係學習緊既年齡最好讀好書先

太早既成名始終利多於弊,就算依家出到名都好難會長久

我建議你先專注讀好書,參加一d劇團工作坊作為課外活動

讀完中學可以到大學讀戲劇/音樂或者到演藝進修

之後自自然然有人介紹你入行,就算冇你自己都會識點樣搵入行方法

仲有得閒記著訓練下自己d EQ呀,EQ對做明星好重要:]





祝你好運啦

你應該參加出面既劇團或者戲劇訓練班