如果能付令全身肌肉平均發展?

要令身體平均發展又唔想去做 gym 的話，游水係最好的方法，一來係全身運動，促進全身肌肉發展之餘又唔會變得好肌肉型 (唔係個個都喜歡筋肉人的，對不？)；又能夠改善體型，唔怕變肥；而且能夠鍛鍊心肺機能，舒展筋骨。每星期三次，每次30分鐘或以上就可以了。當然，如果你體能上承受得都的話，做得密一點，每次做耐一點亦可以，最緊要量力而為。假如你唔喜歡/唔識/唔方便游水的話，可選擇緩步跑，踩單車或行樓梯 (向上)，都可以修身和鍛鍊心肺機能，而且男女老幼均適合。

飲食方面，唔需要刻意節食或戒口，只需要減少食油膩的食物，避免食宵夜和零食。一定要攝取足夠碳水化合物和蛋白質，前者提供能量，後者則有助整體健康和發育，兩樣都好重要。食唔夠的話會令身體乏力，無精神，容易病。

提供碳水化合物的食物：飯，麵，麵包

提供蛋白質的食物：魚，肉，蛋，奶類

另外亦千歧唔好忽略蔬果水果，能夠提供纖維素，對消化和腸胃健康非常重要的，腸胃唔好的話，食乜都唔吸收啦~ 亦能夠提供維他命等。每餐都要有蔬菜，每日最起碼食一個生果，食夠兩個更好。

詳細均衡飲食資訊可參考衛生署的<食物金字塔>：http://2plus3.cheu.gov.hk/html/b5/index.asp?fname=index.aspx衛生署的運動介紹：http://www.cheu.gov.hk/b5/info/exercise_02.htm
最後想提醒你：無論減肥定做運動，都要持之以恆，健康係你一生的財富。

沒有比做運動更好的方法