因為今次氣管敏感太突然, 先胃痛, 後眼敏感, 又痕, 眼肚仲又紅又腫, 然後感到氣管收窄似, 抖唔到氣同哮喘咁...仲越黎越嚴重, 不斷扯哮, 所以搵噃上年醫生開嘅抗敏感葯食。
事發已兩星期, 但氣管一直都好似好窄同鼻息肉好似大咗好多咁, 另我呢兩個星期抖氣都好辛苦, 一直都要靠口幫助呼吸, 所以經常都好口喝同喉嚨有點痛。
想問下有咩方法可以令氣管放鬆噃同抖氣順噃？我試過用「珮夫人鼻爽貼」同鼻敏感葯水, 但都冇用。而呢次氣管敏感嘅情況, 其實係咪唔係氣管敏感, 而係哮喘？係咪要再做多次手術？但我喺醫院覆診個file已經close咗, 醫院醫生叫我唔使覆, 冇同我再排期, 已經超過一年, 若果要又要再重新排過期, 未即係要等成兩、三年先有得去睇？到時可能已經睡眠時窒息死咗....
更新1:
依家就算係用口抖氣都覺得勁辛苦>.<,
更新2:
我唔係要減肥喎, 我係要抖氣呀, 我要呼吸空氣, 依家有抖冇訂抖, 好慘！
更新3:
嗅一嗅熱水會有用？
更新4:
其實我都已經試過好多好多種抗敏感葯了, 依家我已經唔想再食 因為我係由小學一、二年班就已經有鼻敏感, 五、六年班左右就已經開始有鼻息肉出現, 開頭用葯物都可以解決呢d鼻息肉, 將佢哋趕走, 但慢慢d細菌習慣咗, 點用葯都冇用...所以抖氣辛苦住嚟過日子嘅生活已經差唔多廿年啦。而最初做「下鼻甲切除手術」亦因為已經去到連瞓覺都可以抖唔到氣而突然醒咗, 辛苦到差唔多每晚都想喊。 依家我只要抖到氣就滿足喇, 因為我知道除咗做手術切咗佢之外就做咩都冇用, 所以我比平常人係特別易攰, 又特別易頭痛, 同會瞓極都唔夠, 因為唔夠氣抖。
