其實止汗劑係唔係冇咩用?

除咗個別牌子品質唔同之外, 妳要攪清楚兩個名詞:

1 止汗劑 - Anti-persperant
2 除臭劑 - Deodorant

呢兩種通常都係市面買得到, 作用都係差唔多, 都係想用家減少因為流汗產生嘅尷尬情況. 但係呢兩種嘢嘅化學成份完全唔同.

止汗劑嘅作用係將身體嘅毛孔暫時阻塞, 令到身體唔能夠排汗, 如果唔排汗就唔會產生由汗入面嘅細菌做成體臭.

除臭劑嘅作用係中和汗入面由細菌產生嘅酵素, 而達到除臭嘅效果.

所以妳攪清楚妳究竟係用緊邊樣嘢, 如果妳用咗之係仍然係一樣咁大汗, 咁好可能妳係用緊除臭劑, 如果仍然發覺好大汗味, 咁即是呢個牌子唔合妳嘅要求, 可以考慮轉牌子.

想減少體臭可以從衣物方面入手. 通常棉質衣物最差, 因為棉質嘅物料將汗吸收, 如果妳唔及時更換衣物, 細菌就會作怪. 而家市面有一種衣物排汗功能非常好, 就係嗰啲運動員著嘅物料, 當然呢種物料有用响其它服裝, 妳留意吓就知, 如果排汗快, 細菌就少機會攪攪震, 對減少體味有極大幫助.

你不如返學先噴, 小息又噴下, d效用唔會hold到咁耐架麻。

我平時都有噴開既..
我個人就覺得冇用..
只不過係出左汗之後會臭...噴係為左冇咁臭..