✔ 最佳答案
村屋天台如要做太陽能發電好貴架,我就話唔值得,唔係話咁簡單,要計過數先,村屋最高用電量 ? KW,每日用 ? 小時,由於太陽能設備輸出係直流電,須要變流器轉換成交流電,由於太陽能設備晚上唔發電,須要蓄電池來儲電比夜晚用,當陰天時太陽能設備唔發電,更須要大型蓄電池來儲足夠既電(至少夠五日用),我地安裝太陽能路燈比郊區同冇電區,一塊36W太陽能板,一個120Ah免保養亁 NICD 蓄電池,一塊控制電板,一個鐡箱,一支20尺度鋅鐡柱頭(埋地四尺),一個 18W ~ 20W 12V 省電燈泡,安裝費,運輸費等,成萬銀架,而且村屋有雪櫃,電飯煲,電風扇及其它電器,一百萬未必夠。
太陽能設備最貴維修費就係免保養亁 NICD 蓄電池,接下來就係換燈泡等,其它既如果設計好既應該係冇維修費既。
我認為您既村屋天台係可以安置太陽能發電系統,不過係付出(百萬)未必能夠得到合理既收穫(免電費也)。
如果你要經濟一 D 就將免保養亁 NICD 蓄電池換為汽車用既鉛酸蓄電池,可以省囘一筆錢,不過壽命會短好多架。
2008-10-02 00:32:15 補充:
如果你用風力發電,當冇風時就冇電用。
如果你家附近有小河,可以考慮水力發電,但係條河冇水時又冇電用。
如果你近海邊可以用潮水發電,不過無論如何,你都係需要後備儲電池。
最好又經濟,向電力公司買電用啦。