在放無薪病假中被炒

不要激動，理性d去分折情況。
1 出糧日。在職的，公司要在糧期結算日後7天內支薪，你7月份仍公司僱員，所以你7月份的糧，公司要在8月7日前支付。你在8月8日都未收到糧，可以去勞工署告佢。
2 病假期間被炒。首先員工是有權放病假的，只不過要放有薪病假要符合某些條件，相信你都好清楚。僱主炒放病假的員工，可能面對兩項指控，1 無理解僱（除非員工的病假是因為干犯刑事罪行的，例如打架，持械行劫被捕時受傷等）。 2 殘疾歧視，員工放病假放到無薪病假，相信都算是大病，咁樣炒員工，擺明是殘疾歧視。無理解僱：可向勞工署投訴。殘疾歧視︰可向平機會投訴。勝訴的話，僱主要比你復工，合約條件照舊，或者，僱主要作額外賠償，因為你需要時間找新工，同時因曾患病，可能找不到同樣人工的工作了。
首先，你顧主都唔想留你，你自己的意思怎樣，你想要多些賠償（多於一個月代通知金），還是想反去做。就算比你爭取到反去做，你的日子都唔好過，除非你呢間係大公司，好以滙豐，國泰，出糧比你的真正老闆跟本唔起你寫字樓出現。若然是小公司，數埋都唔過50人，老闆同你都係反同一間寫字樓，你的日子會好難過，就算請番你，都仲可以攪好多小動作玩死你，迫到你自己辭職。其他同事，因為飯碗問題，唔敢幫你，甚至要聽老闆吩咐，玩死你，所以比你返到去都冇用。
你可以先問下勞工署及平機局，你咁既情況，佢地可以幫你爭取到d乜，再問下，可唔可以労工署同平機局一齊做，定係是旦一個機構接手左，另一個機構就唔會理。你有齊呢d資料，先決定比邊個機構幫你，爭取到你想要的東西。
祝早日康復！

首先，你要清楚知道，自己的有薪病假是否真的完全用完。
不講也許你不知，依照勞工法例，需要連續放取４日病假才有５分４人工。若你只放１日，２日，或３日病假，又有註冊西醫的醫生紙，而公司又給你５分４的有薪病假，公司絕對不可以扣除這些有薪病假額的。即是說，公司無權扣除你任何一日病假額的。這點你必需要清楚。
請再計算一下，在這情況下，你是否依然用完所有有薪病假？
而且，只要你在病假後７日內遞交註冊西醫的醫生紙便可。計算過後，仍是放有薪病假的話，公司便違反了勞工法例，懲罰可以是很重的。
細則如下：
http://www.labour.gov.hk/public/pdf/wcp/ConciseGuide/05.pdf

有許多細節沒說明、如因何病放病假?放了幾多日?有否醫療津貼?再因何事入院(正常來說、沒理由出不到粮激動至要住醫院)?被解僱理由?等等……

無論如何丶你應先向勞工署查詢情况是否合理才作下一歩行動。

遲出糧既問題你可以搵勞工處

不過僱傭條例只保障放緊有薪病假既員工
你放到無薪病假就sorry啦