有限公司清盤後是否可以取消物業交易???20點!!!

買家以有限公司名義購入樓宇，公司清盤是否一定無得追討損失主要係睇間公司仲有無資產，如果係空殼公司就差不多一定追唔返，因為就算你告嬴左都無錢收，所以你只可以殺訂，其他損失就無得追啦，幾多手物業都係咁。
但即使唔係空殼公司而係有實際運作的有限公司清盤，你要追討損失都唔容易，因為公司清盤程序一般搞好耐，而且你係無抵押債權人，有錢分都係排最尾，而且就算有得收都隨時等幾年而且可能收唔足。
如果你想多些保障的話，你可以要求公司持有人加簽一份私人擔保(Personal Guarantee)，萬一公司清盤就向私人追討，不過對方肯唔肯簽係另一回事喎。

1. 如果你簽嘅係臨時買賣合約，一般情況祇係殺訂同俾經紀佣。你要睇清楚撻訂條款。
2. 你如果簽必買必賣合約﹝你應該問清楚律師合約內容﹞，咁有間有限公司做防火牆係好啲。
3. 你用有限公司買樓同時要睇清楚買賣合約內容，尤其有關撻訂的條款，買家需唔需要上身。一手發展商有一班律師幫佢，所以就算你有防火牆都唔一定無事。
4. 買樓係人生大事，你唔肯定自己嘅財務狀況就唔好做。
僅供參考，希望幫到你！