想買一隻安全的鑊

之前有答案提及阿蘇推介的黑金剛鑊，但邊到可以買到？曾見過候王道同衙前塱道的缸瓦舖有售，1.1呎賣$58，連蓋要$87，其實好多賣家居用品/碗碟ge地方都有，個人覺得幾好用，值得推介。
但其實無論易潔鑊、生鐵鑊、熟鐵鑊、還是阿蘇推介的黑金剛鑊都好，最重要係開鑊全程及所有的物品和用具都千祈唔好濕水，乜都唔使洗的，好多人開完鑊後就即刻洗，咁就錯晒囉，應該就咁擺係度放過夜等佢凍左先好洗，咁隻鑊就會好好用的了。

開鑊的方法：

其實開鑊用上的注意一定要用上生的肥豬肉而非乳豬肉或燒肉，就是試過曾經有人買錯燒肉而非生的肥豬肉去拜四角，反而令到「好朋友」們戀棧人間更不願離去；其實一些傳統的儀式都會用上生的肥豬肉去祭鬼神的，如拜四角和祭白虎就是了。

其實如果可以放大鐵鑊黎睇的話，你就會看到鐵鑊的表面份子其實是佈滿好多細小之窿的，之因為用上肥豬肉來開鑊，是因為肥豬肉加熱後會釋出液態的豬油，會充斥著那些窿窿，冷卻後，那些液態豬油就會變回固體（肉眼當然睇唔到喇！），所以日後洗鑊時，水份子由於再沒有空間可藏在鐵鑊的份子內，而所以可以避免引致日後生鏽的情況發生。

至於用上韭菜去開鑊的原因，是因為韭菜能去除新買回來的鑊之生鐵味道，和先索掉新鑊的那層保護油，因為由於韭菜是在眾多的蔬菜中是屬於含有較高纖維的一種，所以在炒菜時會有較大的洗刷能力，或者雖然你以為你已經用清潔劑洗得很干淨，但曾有網民有以下的回應：「我今日試左報紙同個sales講的方法去開鑊：初次使用易潔鑊時，宜洗淨後抺乾，再以慢火加熱30秒後熄火，然後在鍋內加入1茶匙食油， 以廚房紙or毛巾將食油抺勻表面進行"抺油"，咁就可抺走鍋面剩餘的機油。原來佢地是對的，因為我之前已經用洗潔精洗得好乾淨了，但一用油及略為加熱後用廚房紙一抺，就見黑色的油類東西了。（應該是機油之類吧！）」；或者都可以用菜頭菜尾去代替韭菜的，但記住炒完的菜同樣要丟掉，不能食用的啊！

有冇睇過<蘇絲黃>既烹飪節目呢?

她用的一隻全黑色的鑊,她推崇很好用,我見到九龍城,灣仔堅拿道西山

貨/缸瓨鋪有賣.好像叫黑金剛,價錢..因為我只是見到,未打算買,不清楚.

我本人用的是生鉄鑊,很耐用,用了5-6年,鑊身重少少,幾十蚊很實用,缸瓨鋪有賣.