有關駕駛法律問題

睇你個情況係冇截過車(唔係已經好大鑊 ), 無牌駕駛係刑事罪, 一係借車俾你個friend揹容許無牌者駕駛, 佢唔揹就告埋你偷車.....往例多判罸款兼入獄, 雖然有機會係緩刑!


在冇截過車情況下, 一般衝左紅燈俾人影左相, 警方會寄一份申報表俾車主, 要求提供當時之駕駛者, 然後寄信俾駕駛者提出罸款金額及所扣分數, 交錢 $450 ,扣3分後完事, 但如勁超50公里或以上者要上法庭, 會視乎車速扣多於3分, 也不能書面認罪交罸款了事!


架車冇牌費警方會check到, 冇保險係check唔到 (除非炒咗要申報給警方或對方)。 冇牌費係定額罸款, 冇保險係自己承受第三者賠償風險, 冇駕駛執駕車照至係刑事, 有機會判坐監。


依家警方會抽樣核對被影相之駕駛者同被申報者是否同一人, 影到男司機而申報女司機, 唔好彩被抽中核對, 又衰多D! 即提供虛假資料, 刑事罪喎!


自己衡量如何申報啦!
無牌駕駛(冇傷人), 頂多兩,三年唔准考, 冇話成世唔俾揸車, 再唔係到外地攞個國際車牌, 香港又揸得!

樣樣都可以係重罪，但係最終都要睇個官點判，若果無撞爛野或者撞到人，都唔會判好重，通常係罰款、扣分、釘牌和坐監。好少會永久釘牌的，除非真係出左好大件事。

想罰少D？受審時係關鍵時刻，要扮窮、扮乖、扮可憐、扮無奈、扮無辜，但千萬不要扮無知，扮低能、扮曬野。老實認錯， 要令個官相信你再犯的機會極微，就有機會罰小D。最好當然搵個好律師幫手啦。

無牌駕駛是觸犯香港法例第374章42條，道路交通條例(駕駛時無執照等)



(1) 除本條例另有規定外，任何人不得在道路上駕駛汽車，除非他持有其駕駛的車輛所屬車輛種類的駕駛執照。

(2) 除本條例另有規定外，任何人不得在道路上駕駛汽車，除非他於駕駛時攜有其駕駛執照或由署長所發出顯示該人已申請換領駕駛執照或已申請領取其駕駛執照複本的文件。

(3) 除本條例另有規定外，任何人不得容受或允許並無持有有關車輛所屬種類的駕駛執照的人駕駛汽車︰

但於任何根據本款提起的法律程序中，控方無須指稱或證明被控人明知司機並無持有駕駛執照，而辯方證明被控人不知司機並無持有駕駛執照，亦不構成免責辯護。 (由1987年第66號第2條修訂)

(4) 任何人違反第(1)或(3)款，即屬犯罪，如屬首次被定罪，可處罰款$5000及監禁3個月，如屬第二次被定罪或隨後再次被定罪，或屬在根據已廢除條例第5(4)或(5)條被定罪後再次被定罪，則可處罰款$10000及監禁6個月。

(5) 任何人無合法權限或合理辯解而違反第(2)款，即屬犯罪，如屬首次被定罪，可處罰款$1000，如屬第二次被定罪或隨後再次被定罪，或屬在根據已廢除條例第5(4A)條被定罪後再次被定罪，則可處罰款$2000。