點樣爭取一個女仔既喜愛？

我相信你地年紀都應該仲好細, 佢應該完全未玩夠, 唔鍾意任何人管住晒, 總之你唔好話佢做嘅野唔啱就相安無事, 你一開口話佢有問題佢就嚟料.....

你真心愛佢, 當然好想好多野都提住佢, 唔想佢蝕底, 不過佢有咗你呢個男朋友, 都仲要著sexy, 而又完全唔因為你唔鍾意就著返密實d, 老實講你喺佢心裡面嘅位置大極有限, 同意嗎?

但你亦唔可以諗住要去改變佢, 干預佢嘅生活方式, 兩個人本身係兩個唔同背景, 唔同習慣, 而家走埋一齊, 你就要佢跟晒你意思咁做, 一定出問題啦, 除非大家都成熟到可以識得為對方犧牲自己嘅睇法/做法, 否則就算今次無事, 都唔會可以一直開心落去

若果你已經知道以前做錯, 除咗對返而家女朋友根d之外, 一定要吸取教訓/經驗, 日後知道點先叫對一個人好, 咁仲會對你有好處, 無論今次點都好, 他日都唔會重覆犯錯

兩個人相處一定要有好嘅溝通, 如果你同佢傾, 佢又話你講道理傾唔埋, 只係另一個証明佢未夠愛你, 未夠成熟

問題唔係要點補償, 而係你要諗得清清楚楚你想要咩

你以前對佢衰, 而家對佢唔衰之餘仲會對佢好, 佢一定FEEL到, 但如果你都盡力做咗, 都係同你講no way, 咁就唔好勉強人地, 放手喇!!!