請問BB幾時識轉身?幾時識爬?幾時識坐?幾時識企?幾時識行?幾時識講野?同幾時識出牙?我知每個BB都唔同,但係想有個大概

轉身 - 三四個月既BB會開始有意欲想翻身，通常練習一個多月就會自己識架喇
爬 - 學識翻轉之後，BB既手手腳腳會開始郁黎郁去學爬，開頭手腳未協調會不斷轉圈，大約一個月到，BB就可以用雙手推自己向前。不過要正式爬 (即係個身離地，只用手腳) 就大約要七八個月先得
坐 - 大約六七個月，BB可以自己坐直，唔使扶住亦唔會再東倒西歪
企 - 通常BB識坐之後，佢地都會嘗試用手捉著D野令自己企起身，一般七八個月識坐果時都可以自己扶著野企到幾秒，佢一識扶住起身，就會慢慢穩定，大約九個月就可以大人扶住企得耐D。要正式自己企定定就要差唔多一歲先得
行 - 大約一歲時候都可以由大人扶住兩隻手行到幾步，過多一個月就可以自己行到幾步，大部份一歲半前都可以自己行到架喇

出牙 - 一般六個月開始會出牙，但係四個月都會有機會出牙，一直至到一歲，都係BB出牙既正常時間
講野 - 六個月既時候會開始依依牙牙，十個月會有叫媽媽或者奶奶既聲音，一歲時可以講到三四個簡單既單字，兩歲就可以講到一兩句有名詞同動詞既句子
我個仔而家兩歲半識得駁咀添喇....

0~2個月會笑 、啜手指(我個一出世就啜, 而且都啜得幾大聲下, )、注視人的面,
2~3個月發出「阿、咕」的聲音 、視線跟隨著眼前的人或物上下、左右移動,
3~4個月頸部挺直 , 雙手開始放在一起玩弄手指,
4~5個月伸手去抓玩具 , 耳旁有東西發出聲音時會轉頭去尋找,
5~6個月會翻身, 聽到自己的名字或小名會轉頭,
6~7個月玩具會由一手換至另外一手 , 自己會拿餅乾吃,
7~8個月不用扶持自己會坐, 可以抓起小東西如葡萄乾,
8~9個月會扶著東西站著 , 會發出連續音,
9~10個月會兩手各拿一個玩具敲打, 會做「拍拍手」、「拜拜」的動作等。
至於視力方面, 初生嬰兒視力一般在20公分以外的任何東西對他來說是模糊嘅，一歲左右才跟視力正常的成人看得一般清楚。

我只係講我個仔啦~
佢4個月大識轉身, 識轉身無耐就識爬(一兩星期左右),
5個半月識自己坐起,
10個月識扶住野行同企(扶住企真係唔記得...),
12個月識自己行,
11個月識叫daddy同mom mom(要食野),
7個月出第一隻牙仔.