花羅漢食魚糧然後吐出來and不照鏡 唔該 急!!!!

你的新24"缸有無先洗淨及浸水一段時間?
水質不好會有影響,但ph值就應該沒問題,
因為琵琶對ph值更敏感,若有問題,琵琶早已歸天!
花羅漢不難養,或許換下水,再過段時間應會適應,
花羅漢不應餵魚仔及蝦,對牠的魚身顏色無幫助!
有專門供花羅漢谷色或谷頭的糧,
如果你的花羅漢不是太太,起碼都要食"寶贈紅"
或同牌子的花羅漢專用糧.
以上提供全部的魚糧,魚街卡 X有售.



2008-09-25 00:18:03 補充：
其實問題很多,水清也不代表水無問題,
魚胃口差,也有可能生病,你還是買過一些新糧給牠試食,不要餵魚仔!
其實魚仔很容易惹細菌,也不衛生,食剩的殘骸更容易惹細菌!
凡有食剩的魚糧都須要撈走!
你也可加些鹽放入缸(一般粗鹽),大慨放幾羹左右,有殺菌作用,對魚也有好處.

你的花羅漢有多大?

2008-09-25 00:20:55 補充：
你個24"缸不是全新,以前是用來放木碎,關係不大,
只要沒有化學物就沒問題.

2008-09-26 00:39:27 補充：
三隻手指即約2"或多一點左右,應養了不太長時間,
花羅漢長大速度快,三個月可長大至4-5"
你的花羅漢還小,現在可餵增色魚糧(以上已介紹過),
待再大一點才餵谷頭魚糧.

我有個朋友對花羅漢情有獨鍾,分兩個缸養4條花羅漢,
一個60"缸養3條,用2塊玻璃來分隔開3條,一個48"缸養一條與其他魚混養,
其好處就是好讓牠們日常對凶時,谷色谷頭,會較好火,
你遲些不妨考慮一下.

2008-09-26 00:39:50 補充：
現在有兩張圖片給你分享一下,這條花羅漢有10"長,個頭大過乒乓球.


http://s479.photobucket.com/albums/rr152/ericfung2/?action=view&current=015.jpg

http://s479.photobucket.com/albums/rr152/ericfung2/?action=view&current=014.jpg

第一，你的魚缸還不夠大，建議最少要30吋，否則條魚養來養去都係10吋8吋到，要有養左條「侏儒羅漢」既心理準備。

第二，舉凡新魚落缸或是換缸，事前都必有一番準備功夫，因為魚喜舊水不宜新水。即係在魚落缸之前，除了用海鹽先洗淨魚缸之外，倒滿水之後便至少要開著過濾同魚泵兩日兩夜，此謂之「養水」。如果天氣冷的話更加要落暖管，理想溫度介乎26至30度到，可以的話去魚街買樽硝化菌按指示及比例倒落個缸到。
一切準備就緒要放魚魚落缸喇，亦即是進入「對水」過程。其實好簡單，如果是新魚買回來的話，就連個膠袋一起丟落個缸度，約10分鐘左右就剪開膠袋，主要是希望魚魚能適應溫度同環境；如果是缸過缸，將舊缸的水連魚一起放入膠袋，然後好似上述甘做就得。

第三，花羅漢基本上係一種好強壯既魚種，而且性格霸道，故每個缸只宜養一條，如果無地方比琵琶藏身，總有一日會比羅漢搞掂。但要注意既係，羅漢係一種人工陪殖的雜交魚，不同如龍魚等野生魚有天生既獵食本能，故腸胃係未經過數百代時間進化的情況下其實非常脆弱，並不適宜餵食生口，食魚糧好了。市面上快隆頭、壽星頭同相撲手都係大品牌，而個人則較喜歡快隆頭，另魚兒長至5、6吋左右可嚐試每周餵一次冰虫、毛蝦谷態。

第四，縱使連人都會「有奶就是娘、有錢就係老細、有玩有食就係好兄弟」，何況係魚呢!?只要狠下心腸餓條衰魚5、6日，你比佢咩就食咩野，但起初都係比一兩粒吊下佢癮好喇，再餓多兩日又比幾粒佢，係餵哺過程中同佢四目交投，伸手摸下佢個頭，訓練下佢追下手甘，好快佢就聽聽話話，一見到你就會搖頭擺尾，你隻手郁去邊佢就遊去邊，好過癮架。第時想轉糧時都係餓佢幾日，佢就咩都食。記住魚既生理構造同人唔同，隨時餓佢十零廿日都無問題。

第五，「照鏡」係幫羅漢谷態既其中一個手段而已，目的係想佢個頭大d、好火d同顏色好d。照鏡時間不宜太長，每次幾分鐘就得，最好係過程中引佢追鏡，同時操埋個尾板，等條魚長大之後可以四四方方。

上述5點基本上已概括了飼養花羅漢的要點，最後要補充既係魚既狀態同醫病喇。其實人同魚一養，去到新環境都要一定時間先適應，有d魚快d，有d慢熱d，魚都有唔同性格架，但都可以從佢地既行為同外貌窺之一二。例如魚身起黑間，柄埋一邊同唔食野都無態既表現。當佢習慣左環境之後既身一表徵就係開口食野，當完全定水時就會搬沙石，這時缸底會出現一個又一個隆。

如剛才所講，羅漢好強壯，基本上每一至兩個期換三分之一水，換水後加硝化菌，同埋唔好換水同洗濾水器一齊做就得。如果魚有病的話，例如生倉、頭洞或者出現白點(其實機會不大)的話，便要先換一半水，然後「落海鹽、打大氣同升溫(約丈加至32-34度)」維持一日一夜就可以。

你條花羅漢放去toilt沖走去啦