感情問題,希望大家給點意見~~

我與男朋友大家一齊都有年多.

大家係一個好偶然的機會而認識,因為一個討論區而令大家開始接觸
初時,大家都只係作一個普通朋友而交往.初時都以為佢對自己有點追求的意思,但後來佢也話我知道無可能會發生.於是,大家都好放心繼續以普通朋友交往,每日都會以msn作為聯絡的方法,後來交換電話號碼.經過幾個月的交往,係2006年的8月中大家第一次見面.之後,就約會過幾次去街.當時仍然只係覺得大家的關係只係普通朋友.因為我無想過係網上結識任何男性朋友而成為男女朋友的關係.

到2006年12月,佢想我做佢的'女朋友'.聽到後的反應都唔知點好.因為從來沒有想過這個問題.因為我的年紀比佢大,大家的年紀相差有8年.所以,我覺得大家係無可能發展成為情侶.因為佢的呢句說話,令我係這段時候不段反覆問自己'有沒有鍾意過佢呢?',當時我無比到答案自己,因為我自己都唔知道有無.所以,一直都無比到答案佢.而且係呢段日子自己也好唔開心,更令到身體胃痛的毛病稍為嚴重咗~~後來,幾經朋友的開解及分析後,發覺自己對佢的印象也不錯.唯一問題係大家年紀有差別.但佢仍然唔介意我哋年紀上的差別,反而對我不錯.經過一番考慮之後,最終我哋係2007的情人節前夕成為咗"男女朋友"直到現在.

雖然,我哋間中都有點意見不同,但總算叫到相處得唔錯.
而相方的家人對大家的印象都唔錯,雖然,佢未正式見過我的父母
但其他家中成員有部份都見過面.不過,相方的家庭唯一未知道係大家的年紀有點差別,呢個係佢哋的事實.

到近日,男朋友向我提及我哋的將來.
佢打算如無意外會係3年後結婚,之後會生BB
講到生BB呢個問題我就唔多想啦!!
因為年紀關係令我更加唔想生BB,同時生BB的責任係重大
要考慮好多的事情,例如:供書教學等等....好多問題
另外,也好想結婚後大家可以過一段二人世界的生活
因為如果結婚後即時生小朋友,咁就失去好多大家供同生活的時間
但我男朋友一點都唔讚成,佢話我年紀的關係怕我再遲生BB會無得生以及會加添危險性,大家為呢個問題傾咗好耐~~
雖然話叫做解決咗問題

但如果認真要我答的話,我真係唔想生BB
但此終佢都唔明白我的意思

好想大家可以比點意見我,因為真係唔知點做好
謝謝各位~~