男朋友冇錢......

鍾意一個人唔係用錢去衡量ge
如果你真心鍾意佢又何必計較邊個俾錢
你話佢轉左工人工少過你
咁初初轉工,人工就梗係會少 d 啦
如果佢份工係有前途有希望ge
咁就要俾 d 時間佢
但係慣左洗你錢就梗係唔得啦
整慣姿勢洗女人錢
佢無錢咪洗少 D
盡可能要佢負擔一部份
唔可以下下要你俾
如果你明知佢無錢係都要佢同你出街
咁你唔俾佢邊搵錢俾姐
試下去少D街買少 D野
陪佢共渡難關
正所謂患見真情
除非你覺得佢祇係識洗你錢
又唔係真係鍾意你
你咪同佢講依家覺得無咩安全感囉
如果佢係鍚你都會表示無錢係暫時性ge
咪睇下先至決定囉,你同佢拍左成年拖
你應該好了解佢 ge為人架
人地真係鍾你而你為左佢依家無錢而分手
咁樣對佢好公平
不過我最憎男人洗女人錢
無骨氣
你都係睇下佢係咪真係剩係下下要你出錢
唔買俾你仲要人買番轉頭俾佢
如果係~~~唔洗諗飛左佢啦
自己無個錢旁身點得ga

佢無骨氣
你又介意
分手算了

貴有貴玩,平有平玩,
冇錢咪出少d街同佢打online game睇碟or打波游水o羅.
男友唔上進咪鼓勵支持+迫佢o羅.
如果冇錢就分手都唔會有我地,
呢個世界邊有咁多有錢仔呀,有都實有包二三四五奶+四圍滾啦.
上一代人點拍拖o架.
而家好多女仔冇拖拍唔多唔少都係因為d奸商造成.

平時我同男朋友都有AA制..但當大家感情愈深個陣..
發覺仲系咩都AA制個陣..你就覺得同佢第時5知點算好..
而且發覺佢愈黎多既缺點..5上進..同佢冇未來既時候.
愈黎愈冇安全感..
愈黎愈不設實際..

2008-09-24 05:37:45 補充：
仲有:如果佢真系愛你既話,就會俾更加好既生活俾你架拉^^

雖然錢唔可以用愛情去衡量,但係我覺得男仔出錢請女仔食飯果d先係正常= =(如出街洗費佢比)
有時女朋友比都冇所謂既
但係你話佢轉左工人工少過你..重要你幫佢出哂錢果d...咁樣好似佢食緊拖鞋飯= =
如果佢真係覺得自己係男人既話= =叫佢搵份工養你啦
想唔想一齊就睇你自己啦
假如你覺得你真係愛佢緊係一齊
但係如果佢同你依家一齊只係為錢既話
依d男人送都唔好要啦~

我同你既情況都差不多..我同BF行左都2年啦..有年幾既時間食飯都係由我比..有時甚至無錢食飯..答車..都係我比..過數到佢ACC..見面既時候我知佢無錢我都會將錢放入佢衫袋等等..節日既禮物都無架..我比佢就有啦..有時候都會覺得唔開心..但回想呢年幾前佢唔需要去到呢步..而家我覺得係佢較之前低潮!我會體諒囉..你愛佢嗎?你想想你需要既係咩..?你需要既佢比到你嗎?你變得窮左..呢方面你要同佢講你既經濟都有限啦..如果佢愛你既佢都應該要明白愛佢並唔係將你有幾多比幾多佢..你同佢係一齊架嘛..你有問題有困難應該首先同佢講..係相愛既就會同你正視呢個問題..

睇下你想要$$定男朋友 and 男朋友想要$$定係女朋友

一年時間唔長, 但亦都冇理由因為$$而分開, 可惜你拎得出黎講.....

佢人工低過你姐, 唔係冇人工鴉麻

我有時都會叫女朋友不如送呢樣野比我, but大多係講笑, 我亦唔係真係想要, 只係想睇下佢會有咩反應

"除左錢佢都對你ok"呢句說話似乎你覺得佢對你ok係一個責任

你咁快就問應該一齊定分開其實你係咪就黎破產喇=.="

不過男人女人錢在我黎睇就有d冇志氣, 不過一次兩次就當然唔計數啦

既然你變得越黎越窮
同佢出少d街囉~~
一來可以慳番d錢
二來又唔洗比佢好似食軟飯咁
再唔係既,你試下同佢講你既經濟狀況

唔好意思問句
其實你男朋友係咪d唔係太上進既人黎嫁??

如果係的話,我覺得你唔好同佢一齊
因為當佢慣左所有洗費都係你出既時候
咁佢同洗女人錢,食軟飯有咩分別
無理由堂堂一個男人
出街食飯,就連搭車錢都要女朋友比嫁!!


但....除左無錢...佢對我都ok
都係而家係鍾意佢個人定佢d錢呀??!!!
應該咁講,佢對你唔好
你又唔會肯比錢佢洗呀??
係咪.....???