請問1129中國水業前景如何?(急)

中國水業集團 (01129) 已經進入超賣區，小注可於現價買入，目標$0.13 - $0.15。

另中國水業於今天發盈喜，明天我也買小小。

2008-09-24 13:28:04 補充：
發出盈喜即盈利有驚喜，通常會於收市後公佈，第二日先反映在股價上；

以中國水業集團 (01129) 為例， 昨日公佈盈喜，今天反映在股價上；以昨天收市價計算已經上升80%；以今天開市價計算亦已上升近40%；如果你有買，你該滿足。如果沒有，不建議高追。

依家唔好買住.

你冇睇股爺個Blog嗎?
股爺話:近期仍會很波動，投資者行事要小心。

之前我響3毫2入咗隻689,死衰格一買到就係咁跌,唔夠一個月就比佢跌到2毫半都冇.個Friend比咗個網址我,叫我問下股爺.股爺話要放咗佢.跌咗咁多我又唔係咁捨得,諗住睇多幾天先.點知隻衰嘢一路跌唔停,卒之響2毫鬆D賣咗,隻衰嘢認真衰格,好似同你玩針對咁,我啱賣完,第日佢就連升兩天(不過都係升得雞碎),我以為賣錯咗.不過之後就繼續跌,仲跌得好金,仲變咗仙士股.好彩聽股爺講放咗,如果唔係依家真係連亞媽都唔認得囉.

你既然係新手, 你點睇個市? 有人話你聽個市到左底係時候撈底, 有人話你聽個市只係中期反彈, 彈完有排再大跌. 你信邊個?

熊市買股搏反彈, 一你要有深厚功力, 二你要夠冷靜, 三你要捨得止蝕, 否則有機會萬劫不復.

撈底係大戶既專利. 但佢地撈得果陣, 你一定已經唔敢, 亦唔想再掂股票. 你仲夠膽買, 即係個市仲未跌完.

依家個市咁淡靜, 就係因為所有聰明的炒家都知道此刻要按兵不動為上策. 無人入市, 搵鬼用更高既價格去買你手持既股票? 到個價一跌, 你又唔捨得放, D股票就開始變牆紙勒!

咪話我唔好言相勸, 你既然係新手, 接下來呢半年你都咪諗住入市! 我知作為新手, 你九成都無可能忍得住. 但如你忍得到, 兼可以趁呢段時間讀多D大師既書, 充實下自己, 下一次牛市真係來臨時, 你會有多少少機會賺到錢的.

半年後你再睇番我呢段說話啦! 祝你好運!