我應該點面對我男朋友....好辛苦

唔好問！真的，哩ｄ係佢私穏，一定反面！換轉係你你都唔鍾意啦！如果佢真係變咗心，只會加快你哋嘅結束！

放鬆ｄ，你應該相信佢，就算哩一刻都要信佢，如果你真係想知道答案，你可以用"以彼之道還施彼身"，你可以揾個朋友或者你自己出多個電話號碼，入個男仔名，多ｄ喺佢面前同別人講電話，要做到很不自在的，自不然會引起佢不安，咁你咪打蛇隨棍上，但唔係揭破佢同女仔sms，而係同佢講只係同佢玩吓試探吓佢，話佢知如果佢同第二個女仔傾電話你都會好唔開心，咁等佢自己反省吓，以後都唔好再同個女仔聯絡！

其實我唔係好明點解問佢就一定分手
係咪佢做左D好對妳唔住既野??
如果係既無論點妳都唔可以再同佢一齊
因為愛情既承諾已經被徹底破壞
不過妳應該直接同佢講叫佢解釋
妳唔洗擔心妳自己私下睇過佢既電話
妳可以諗個借口,好似話佢擺底左個電話睇到
然後妳就唔洗理佢直接要佢解釋
唔好俾佢轉話題唔理妳個問題
總之如果佢俾唔到合理解釋就唔洗佢提出妳都應該離開佢
記住有問題就要解決
妳由得佢唔理係唔會為妳帶黎幸福
只係睇下個問題將來以咩形式爆炸!!

其實佢地只係傾一兩分鐘,
朋友或者同事都會咁..
會唔會係自己太多心,
最好先了解女方同你男朋友係咩關係,
至於 sms, 朋友都可以..只要sms既內容係正常就ok!
或者你搵次當住你男朋友面前,
問佢借手機來看你之前send比佢的sms仲係唔係度,
佢應該會儲存左你同個女仔既sms,
如果只有係冇個女仔既sms, 就會係比佢洗晒, 有可疑啦!
如果個女仔既sms仍在, 你可以問你男友可唔可以比你睇,
兩個人一齊係應該坦白, 我想佢都唔會唔比你睇!
而你又唔怕大大方方!

2008-09-23 13:03:07 補充：
可以睇清楚佢地sms咩, 解開自己心結

你沒有講你男友和那女仔的通話內容是什麼，咁男女之間都可以有些吹水的話題傾的，當中不涉及男女愛情關係的，這個你就自己分析一下了！
另外如果你覺得他們之間有點曖昧行為或話題，咁你確實要小心ｄ！我的意見是：當唔知，不必問他，只需要靜觀其變，小心行事，保護自己！
你能做的是處理自己，咁比你要處理你男友或別人容易，你都要學習自我調適囉，你個心唔舒服是必然的，但你都可以學習處理自己這些負面的情緒囉，有助你成長，日後會更成熟的！
所謂小心行事是：如果可以不要再check住他，心中知道他有這〔案底〕便ｏｋ！而保護自己：就是不要與他太親密，即唔好借錢和送個身體比佢等，相信你明白女性該如何在婚前保護自己吧！不要做傻女囉！

"問佢就一定分手"???? 何以見得
可以用間接方法問
係呢...你時常send SMS 比我
電話費咪好貴囉
跟住打蛇隨棍上
E.....係邊個呢?
但千其唔好發脾氣
否則吐唔到料

佢瞞得一時唔瞞得一世，同樣，你忍得一時唔忍得一世，問題一定要解決。
先唔好話佢知你消息來源係來自邊到，先暗示話佢知，覺得佢有野瞞住你之類，睇下佢咩反應先囉，太直接既話只會破壞你地之間關係。然後，隔一段時間再睇下佢有冇同個女仔仲有sms、cell、msn...etc，如果有就拎出黎講喇，因為遲早都會出事，點解唔爽快d解決個問題呢?? 個女仔同佢愈耐，你同你男友就愈難挽救。

無論點，先了解佢同個女仔真係有曖昧定只係好朋友，有時女仔鐘意胡思亂想，可能成件事只係自己諗得太多架咋。:)

Slove it or Leave it

你地之間有問題出現左, 一係攤開來傾解決左佢; 一係離開佢, 找一個新的開始(如果問題無得解決)