同d唔識的人, 身份, 環境, 年紀都唔同, 唔知同人講乜好?

你咁講即係在偶然的場合遇到一d剛認識的朋友,坐埋一齊又唔知對方何方神聖,打過招呼之後大家唔知講乜好,有d尷尬咁啦!
其實唔使理佢乜誰,咁場合都是應酬式的閒聊,談話無需太深入,只要你平時多d留心身邊事物同新聞就有說不盡的話題了!
早排可以講奧運,中國邊幾樣得金牌都有排講了,近期可以講毒奶粉牛奶,搞到bb腎結石,高官落台,就算有d野你唔知佢知都有得傾啦!
唔講新聞都可以講去玩去食邊處好,旅行食野都係香港人熱門話題,講開一定有得傾!
一般交際閒談都係講呢d無聊野好d,如果太專業或者發表意見反而未必適合對方,大家剛認識,如果對方沒提起,最好不要追問別人職業,學歷,家庭狀況,就是提起亦輕輕帶過萛了!
以上咁多樣點都有d野岩傾,如果無得傾落去先傾另一d,咁應該都好容易應付的了!