這個情況法庭會准許聽審嗎 ? (急!20點!)

1. 佢涉嫌強姦, 案件將會轉去高等法院審訊. 提堂只係一個程序, 作用係問佢認唔認罪, 同正式由法官下令轉去高院審訊, 重有係由法官决定俾唔俾佢擔保.
受害人喺現階段係唔會出庭嘅. 所以會係公開審訊. 任何人都可以去聽審. 去到高院審訊時, 亦會係公開審訊. 只不過受害人會以視像作證, 唔會喺法庭出現.
2. 如果佢以前嘅案底唔係同類案件 (非禮, 強姦), 咁佢嘅案底就唔會成為 "加刑因素". 但佢就無咗 "身家清白" 呢個求情理由.
英國高院大法官Lord Lane在1986年 R. v. Billam 一案中話過:
"如一個成年人在無加刑因素下, 經審訊被裁定強姦罪成, 就須以5年為量刑起點."
"如果該成年犯案人犯案時:

涉及2個或以上的人仕犯案
犯案人曾強行入屋
犯案人是受害人的近親 / 監護人 / 或公司上司
受害人曾被非法禁錮
受害人未成年
便須以8年為量刑起點.
呢個案例香港法庭係會跟隨, 所以你朋友應該會被判 7-8年. 如果佢犯案時曾使用暴力, 就會判得更重.
佢會去赤柱或石壁監獄服刑.

1. 除了閉門審訊或案件受人注意太多人聽審外、任何人都可以旁聽。
2. 不知、由裁判官裁决。