40分: payment term 問題

D/P, Document against payment: 付款交單

D/P 要經銀行，你交船務單據去買方銀行或者經你自已銀行入單轉交，買方銀行收單後，會叫買方上黎收單，買方願意收單，就立即要付款才能取走單據，無錢無得取貨。賣家取得走船務文件，買家就一定收到錢，因為銀行已經收左錢或 擔保左(借錢給買家取貨)。



D/A , Document against acceptance 承兌交單，一定有限期 一定要講幾多日後付款，即是 D/A 30 days 或者 D/A 45days 即承兌後30天付款(D/A30days)，或承兌後45天付款( D/A 45 days)

D/A 要經銀行，你安寄船務單據去買方銀行或者透過自已銀行寄去對方銀行，買方銀行收單後，會叫買方上黎收單，買方願意收單，無錢都能立即取貨，簽名提走就按照多少天後付款。賣家就等到期才收錢。如果到期時，買家破產或走路或者簡單講有錢都唔肯付，咁買家就收唔到錢。



好喇，D/P, D/A 在貿易上除左我上面講，都還有風險架，你做D/P或D/A，出左貨去美國，要個幾月海運，途中你買家執笠走路，你的貨未無人要囉，兼且買家有權話你的貨唔關我事，我根本無訂過，我唔會要 ( 但當地銀行會blacklist佢) 但你就慘喇，當然你可以告佢，不過無人收貨呀!



如果你是入口商，用D/P 或 D/A 找數，其實即是將上面反轉來看，你收到銀行通知有人要 D/P 叫你付款取單，你願意就付款，然後才取得提單提貨，如果是D/A 幾多天，你只需向銀行蓋印簽名，同意多少天後付款，已經可以拿走單據，不用立即付款，到時才付款。



O/A Open Account 即是無條件放數給客戶，到付款期才找數，應該要寫埋例如 30 days after invoice date, open account. 即發票30天後付款，放數形式。當然可以45/60/90天等等，根本 open account 和 AMS 極相似。

放數形式是買賣雙方協議，不用經銀行批核，也不用銀行操作，是雙方較少手續費的交易方式，但如同AMS 一樣，賣家是最高風險的

當然放款期滿付錢找數，買家用T/T或匯票付款就要銀行手續費。