愛上一個不應愛的人

你自己都識講, 呢個真係不該愛

嘗試忘記, 結交更多男性朋友啦
再唔得, 勸你辭工

你仲後生, 你仲有大把機會去結識一個更了解你既人

既然佢係一個好人, 佢應該要有個完整既家
唔好想去破壞人

假設對方真係接受你
佢會為你而捨去辛苦創立既1個家?
同埋你諗下人地老婆係咩感受?
千其唔好做傻事~~~~~~~
當你係佢情人個陣
雖然你獨守空房, 到時對方老婆都係
2個女人受苦, 分享1個愛, 去便宜1個男人
到時, 佢仲會係1個好人咩?

1個好人, 俾人講得起係好人
唔係佢天生係1個好人
都要有事物令佢成為1個好人
你想keep住對佢有好印象
你就唔好做傻事, 同佢再接觸, 或嘗試去做佢情人
1. 到時佢真係知你鐘意佢, 佢唔接受你, 你連朋友都無得做
2. 做左佢情人, 佢仲係米1個好人, 好難講

假設你真係做左佢情人
情人節, family day, 你守得起寂寞咩?
夜晚少之有少會有1個手臂去俾你溫暖

以上 最壞既情況都幫你打算埋

呢個唔係你應該追求既幸福
你既幸福唔係應該咁樣
所以, 搵個第個, 諗開d啦!

你都只係有點兒辛苦o者
時間會幫到你

呢啲咪係辨公室戀情囉! 男女雙方一日面對9~10粒鐘, 仲要每星期對足5、6日, 比家人相處時間仲多, 若雙方志趣相投及外型能互相吸引, 久而久之便會日久生情, 就算初期只是單方面的, 但慢慢另一方亦會感覺得到, 而致最終雙方雙雙入局, 若雙方都是單身一族而你情我悅的, 當然是賞心樂事, 但正如芳駕事件, 男方是有婦之夫, 這便構成苦戀了。還好, 芳駕仍未墮入深淵, 尚未執迷不悟, 現今要做的是辭去份工, 長痛不如短痛, 時間會沖淡一切的, 予其三方受苦, 不如自己抽身, 好好老慮一吓吧!

不要傻喇，如果他和你一齊要將起碼一半人工供養妻兒，你就一世打工為自己生活和養活他的家人，你只會一世為他和他的家人為奴為婢，別人又會在你背後叫你做賤人、狐狸精，值得嗎？

為你將來的兒女想一想，如何令他們生活得開心，如何向兒女交代，就算你決定唔生，養大他的兒女，你以為他們會當狐狸精做亞媽？問心自己都唔會喇！如你一定要和他一齊將來的前程就是老來無依甚至做乞兒！

如果他連妻兒都不理，証明他是一個無良心的人，將來你粉腿花殘一樣會同一般對你，不心寒嗎？更加要不得！醒醒吧！