居屋白表申請有很多問題, 查左好久揾唔到答按請幫忙

1) 如果你用白表申請居屋，就一定要在公屋住戶冊除名。房署有權要求你媽搬去細單位,或收回其中一個單位。要視乎是否有人輪候中。

2) 如果你在公屋住戶冊上有名，而你又係唯一跟她同住既子女，便可以在她百年歸老後申請做該公屋單位既戶主。之後你可以選擇交番間公屋出離用綠表申請居屋。因為用綠表申請一定要係戶主。

3) 用白表可以買二手居屋，但係都要向房署申請 "購買証" 先。

1)如果用白表成功申請到居屋, 公屋住户名我要冊除, 房委会會否要我媽搬去細單位,或收回我其中一個單位嗎?
答：如果家庭人數不夠的話，是要遷去較細單位。但你媽都已經８０歲，其實可以向房署申請恩恤處理，讓你媽住至終老；這是有前例的，不用擔心，但如果房署堅持不肯的話，就找該區區議員代寫一封求情信，應該沒有問題。
你的問題有Ｄ問題，到底你是２間公屋，還是２間房？？如果你是２間房的話，即是一間公屋啦！如果你是２間公屋的話，你就可以用綠表申請買居屋，不要填你媽名上申請書，將一間公屋退回給房署；不過你說過是將２個單位打通的，咁你們要將公屋單位還原。
2)户住名是我媽,如果我媽百年歸老,我有否資格用綠表嗎?
答：如果你能通過入息和資產審查，不超過上限而成功承繼戶主的話。（首要條件是沒有住宅物業）你成為戶主之後，便能用綠表資格。
3)用白表可否買2手居屋市場
答：白表只是用來向房署買一手居屋；房署內部的二手居屋只限給綠表。市場上的二手居屋，是已補地價屬私樓性質的居屋，售價會包括補地價的價錢。

1)如果用白表成功申請到居屋, 公屋住户名我要冊除, 房委会會否要我媽搬去細單位,或收回我其中一個單位嗎?
答：如果你媽咪間公屋已向房署買咗，就唔會有任何影響！但如果只係租嘅話，當你用白表申請居屋前，一定要先去除名。所以房署係好大機會叫你媽咪搬返去細單位，因為佢得返 1 個人....

2)户住名是我媽,如果我媽百年歸老,我有否資格用綠表嗎?
答：唔可以，因為公屋已撤銷『世襲』制，戶主係你媽咪，佢百年歸老後，唔可以將戶籍轉俾你，房署會收返間公屋....

3)用白表可否買2手居屋市場
答：如果你買 2 手居屋(已經算係自由市場→買賣要補地價)，根本就唔洗再經房署審批個人資料，亦即係話唔洗再理白 / 綠表，你亦唔洗去除名都得，到佢 check 到先再算.....
希望幫到你！

唔知你住緊尼間公屋有無你老婆個名??
如果有,你申請居屋時(用綠表)要除晒你兩個人個名先至可以申請居屋
你亞媽80歲一般都唔會郁你亞媽
因為依家房署規定戶主死左唔可以轉名俾仔女,但係可以俾戶主ga家人住到尼屋ga人死晒或者退番間屋俾房署
1)尼個問題已經答左
2)你可以用綠表申請,但係業主名一定係你亞媽同埋要俾番間屋房署,諗唔過,如果你無諗住同你亞媽住就更加唔洗諗
3)你可用白表申請2手居屋,首先去房署填份買樓紙,大約4個禮拜就會收到買樓紙,費用約590蚊,(房署會同你講買左樓就要取消你地個名,即係可以一路住,一路等買到樓為止,仲有記住張買樓紙有效期得半年咋)有左尼張買樓紙就可以搵地產幫你搵樓盤,當你睇岩左樓地產就會教你點樣做,用白表買2手居屋,一定要買補左地價ga居屋,因為未補地價ga2手居屋祇係買俾綠表
如果你想知得更詳細去問房署或者地產

1)如果用白表成功申請到居屋, 公屋住户名我要冊除, 房委会會否要我媽搬去細單位,或收回我其中一個單位嗎?
答 : 好大機會收回其中一個單位, 因為你與老婆(及子女, 如有)要共同進退, 無理由你阿媽一個人可以住兩個單位架, 不過話得說回來, 你用白表買到居屋的機會不高, 好多人爭呀老友
2)户住名是我媽,如果我媽百年歸老,我有否資格用綠表嗎?
答 : 你做左戶主之後, 你話事啦
3)用白表可否買2手居屋市場
答 : 不能, 除非補地價, 你不打算交回公屋, 身份與一般住私人樓的人沒有分別