有左BB在哪裡做檢查?

要去邊到檢查就要睇你想去私家生定政府生喇
如果去私家生既，咁你一開始就搵個私家醫生做檢查，跟住就同醫生CHECK下你預產期果段時間佢接生有冇問題，如果冇既話，你都可以一直係佢到做檢查做到生為止
如果係去政府生既，你就要去普通診所驗孕，之後醫生會比番張轉介信/驗孕確定信比你，拎去你住果區既醫院到做登記，登記完之後醫院就會安排你第一次做第一次產前檢查，通常係抽血，度高，磅重，量血壓，驗尿，仲有其他個人資料
(一般都係會去自己果區，一來而家孕婦多，誇區既未必會收，二來你而家個肚細去邊到都冇所謂，但係到後期個肚大個D，一個月要去三四次，去到咁遠做檢查會好辛苦，所以都係去番近自己區既好D)
跟住會係醫院到檢查多兩三次，如果冇咩問題就會轉介你去健康院做檢查，到時就唔使再抽血，每次都係例行度高、磅重、驗尿、檢查BB發展，冇特別問題就會一直檢查到生為止
基本上政府檢查既話，除非係高齡產婦(35歲以上)會做D特別既檢查外，其他孕婦都只係做普通檢查，照一至兩次超聲波
如果你自己想做多D檢查，例如度頸皮、3D/4D超聲波等等，就要自己出去私家診所到做喇

剛懷疑有左BB,應該在哪裡做檢查呢?
首先你要到診所檢查，然後叫醫生寫封懷孕証明。
是否一定要去番自己屋住區域既醫院排期呢?
你可以去你想去的醫院排期(去之前打個電話問清楚辦公時間)。根住多數醫院會幫你做一次普通的懷孕檢查，根住醫生會比返D交件及檔案比你及叫你去你就近的健康院做定期檢查，太約到28週左右。健康院會叫返你返醫院繼續檢查至生產後。
仲要做d咩檢查呢?
第一次檢查要驗血及驗尿。而之後每次檢查都要驗尿及磅重，到了大約20-24週左右會再驗多次血及照超音波、度子宮。

首先應去診所檢查證明你有左bb...

拎住醫生紙證明你有bb...去附近健康院登記做檢查...

去健康院檢查系吾洗錢的...
剛懷孕大約每個月檢查一次..
都系驗尿,度高,磅重,留意bb的生長程況...
再去見下護士傾下計,,講d有關懷孕的資料比你聽..有咩問題佢都可以幫你...
最後見埋醫生,,醫生都系幫你聽下bb心跳聲..按下肚睇下bb的大小...

檢查就完成了,,,大約2-3小時.

去普通診所驗小便確定是否真的有左BB.(去你睇開的診所通常都有驗孕服務的)如果驗出真的有左.咁你要認真的選擇你的婦產科醫生.唔使自己住既區域.找O岩醫生之後跟住要做既野佢會教你做架啦.快D去檢查啦.唔好估下估下.....