我是單親家庭.. 21歲男.. 因公司大火剛無業1個月... 前天我朋友(女仔)叫左我出去索K(同佢識左一年..)..於是就出左去同佢玩下... 玩完之後我就好心送埋佢走.. 誰不知送佢的途中我地都開始唔清醒...同佢一齊比差人逗.. 之後D差人問個女仔"D K仔係咪佢賣比你架" 個女仔竟然認左話係我... 之後D差人問我係咪我賣比佢既.. 但我真係無賣... 之後D差人就係咁鬧我話"得..你唔認丫嘛.. 你唔認就仲X大獲" 仲要拎左我身上既1張500蚊做証物..之後D差人係咁叫我認..直到警車上面... 上到車到比佢地圍住晒又打又鬧...終於被迫認左先唔打... 認左之後佢地開始停手... 忽然覺得呢個香港好恐怖... 去到差館.. D差佬係咁寫寫寫...寫完之後叫我簽名.. 我見到最重要既一問答就係"D K仔係咪你用500蚊賣比個女仔架" 個答就係" 係呀, D K仔係我用500蚊賣比佢" 之後好兇咁叫我快D認.. 同我講話無咩野.. 初犯應該判好輕架姐..咁少..多數都係1年社會服務令.......咁樣樣.. 係我怕被打既情況下就認左..........落完口供 CID同我搜完屋返返去保釋.. 之後1000蚊擔保金就同個女仔出返黎... 個女仔出返黎都同我講"唔好意思呀..我都唔知會搞到變成咁" ..仲問我有無律師幫到佢地.. 之後大家都好無奈咁走了..
最後我想問問咁多位依家係咪2-4克(不計純度)都要2-4年?
因為我單親家庭屋企得我同我媽咪有收入.. 細佬仲讀緊書.. 我好擔心屋企人會頂唔順... 咁多位我呢個MOMENT仲有無得救呢? 萬分感激!!
更新1:
皇家輔警1984-1998 唔該你呀!
咁我既第1份口供上面最終被迫認了,, 之後再改口供係咪個官唔會信呢?
因為你話"法庭也不會接納警方以不正當手段迫供的證據。" 咁我第1份口供算係警方用不正當既手段迫出黎..
(比佢逗緊果時同我講話會幫我加料落去......我當時真係好驚)
