阻止用即時通訊軟件

最簡單的方法，就是將公司所有的電腦設成<受限制的用戶>，只有公司 IT 部門可以用<系統管理員>。更改使用者權限的方法：按 <開始> 到 <控制台>，<使用者帳戶>，選擇其他人的帳戶並更改成<受限制的帳戶>就可以。另外亦千萬要用密碼保護 admnistrator 帳戶 (開機時按 F8 鍵，入安全模式就見到)，否則其他人都可以入去 administrator 度攪攪震，都係功虧一簣的。你亦唔需要擔心咁做會影響到同事日常使用電腦，<受限制的帳戶> 仍然能夠做一般工作，包括上網，使用大部份原本已經安裝係電腦上的軟件，防毒軟件亦能夠正常運作和 update。只係唔能夠做以下的工作：1. 不能夠胡亂安裝 / 刪除軟件；2. 無法更改系統設定。例如不能夠 disable 個 windows firewall，或更改自己個用戶權限 (即係唔能夠將自己個帳戶昇返上 <系統管理員>，唔能夠自行增加新使用者帳戶)；3. 不能夠更改其他電腦使用者的設定 (不過仍然能夠有限度更改自己個帳戶的設定，例如 wall paper 等)。 我公司都已經全面推行所有人 (除了老闆/大粒經理外)，全部用 <受限制的帳戶> ，唔單止解決了好多 msn / 胡亂安裝軟件的問題，連中毒的問題都幾乎消聲匿跡，一年中唔到一次毒！