倉鼠大約有多年壽命?

A.鼠鼠喜歡主人點對佢,係視乎情況,如果你同鼠鼠未熟,又或鼠鼠生病,鼠鼠就唔會想你去打擾佢,因為鼠鼠身體虛弱會好怕外來既動物,未熟都係會好驚人,所以如果呢類既情況下成日攪住鼠鼠,往往只會令鼠鼠令怕你,受驚受壓有會機誘發疾病,而且生病時易令病情惡化,又要為左自我保護而花額外既體力如果你同鼠鼠已經好熟,鼠鼠身體又健康,鼠鼠最鍾意就係你俾野佢食,但都要睇返係咩時候同咩方法,如果用錯方法,鼠鼠都唔會喜歡你攪佢既

咁問相信你係想鼠鼠開心我覺得最緊要令鼠鼠可以安心訓同食,令鼠鼠住得安心食得放心,可以留意返以下既事:

1)多D檢查鼠鼠既身體同排泄物
留意多D鼠鼠既身體,鼠鼠一有D咩唔舒服就盡快處理,如果唔係,鼠鼠唔舒服都會好不安及辛苦

2)唔好一籠多鼠
鼠鼠係獨居動物,所以唔鍾意同第隻鼠一齊生活,當然第d動物都唔好啦

3)保持衛生
一星期洗一次籠,同鼠鼠一星期沖一次涼,熱天沖兩次,令鼠鼠同環境衛生D,鼠鼠住都住得舒服D,鼠鼠本身係好喜歡乾淨,見佢成日自己沖涼就知啦

4)鼠籠安全
留意多D鼠籠有冇咩野會整親鼠鼠,唔好用貓砂做墊材,因為太硬太大粒,會易令鼠鼠腳仔唔舒服甚至受傷
籠既地面同轉輪唔會係有隙,唔係好易卡到鼠鼠既腳

5)唔好對鼠鼠突然發出太大既聲音
好似吸塵咁,可以由距離鼠鼠較遠既地方開始吸,咁就冇咁大聲
叫鼠鼠就細聲D叫

6)唔好突然抱鼠鼠
特別係唔好從後忽然抱鼠鼠,咁會嚇親鼠鼠,以為有第D動物攻擊佢
抱鼠鼠最好先輕聲叫鼠鼠,之後先再抱,仲要同鼠鼠熟左先抱

7)唔好勉強鼠鼠
當你對鼠鼠做一樣野,而鼠鼠反應係唔喜歡or驚既話,就唔好再勉強鼠鼠

8)唔好攪鼠鼠既尾
鼠鼠多數都唔喜歡俾人攪條尾,咀同鼻都麻麻地

9)唔好用光照鼠鼠
鼠鼠習慣夜晚活動日頭訓覺,所以習慣左會怕光,如果用光直照鼠鼠既眼,會令鼠鼠驚
除非係照鼠鼠既身體唔會整到眼,好似皮膚有外傷想睇真d,咁既時候就冇問題

B.要睇咩品種,熊仔鼠係長命D,一般係可以去到2-3年命,最長命既我試過4年多,不過只係一次
而較細隻既鼠大多只有1.5-2年命,我自己既鼠就試過2年多

其實呢D只係大約既數字,飼養得好,係可以唔止既,就好似人咁,都有D人百多歲呢
最緊要關心多D鼠鼠既身體,留意鼠鼠既起居飲食,唔亂俾野俾鼠鼠食,環境又乾淨衛生,又冇第隻鼠一齊住,有病就即時處理,睇多D書了解多D鼠鼠,咁就可以較長命了
但當然,有D鼠基因上有問題OR得到一D嚴重既病,就好難好長命了

C.鼠鼠係夜行動物,喜歡暗,仲係怕光,所以要同鼠鼠玩,最好係傍晚之後既時間
鼠鼠原居沙漠,因為日頭天氣好熱,鼠鼠好怕熱,所以日頭就會用唻訓覺,到夜晚天氣較涼先會出唻活動,視力慢慢開始退化,所以喜歡暗之剩都好怕光

倉鼠喜歡主人成日同佢玩　唔好唔埋佢！

一般倉鼠大約有２年命（其他另計）

倉鼠喜歡暗的～因為我果隻成日係暗既地方訓