(20點)女朋友外婆過身..花牌要寫咩.?

如你想订花牌，去到订花牌既花店，告诉花店既人，个先人系你女朋友既外婆，通常个D人都会识得帮你点写张卡既称呼！~
以我经验，上款（即先人个度）会写XXX（先人个名）老夫人，下款就写晚 你个名。
大约：400以上（包送）

2008-09-21 16:01:28 補充：
所有殡仪馆附近，都会有花店！
但有D花店可能用二手花做花牌架！~
红堪广场（马头围道个度）都有几间花店架，距地所用既花就一定唔系二手，都包送架！其中有一间，我比较熟悉，你可以将先人个名，订花牌个个人既名，守夜日子以及系边间殡仪馆，距地就会帮你搞掂！FAX：23330800！记住留低你电话，距地一收到FAX，就会复你确定D资料架！

2008-09-21 16:01:32 補充：
至于你可以做D咩，系出殡前，你可以问下女友家人有咩帮手咯！
同埋就要安慰你女友咯！~
守夜个晚，你出席到既话，就去殡仪馆帮手打点下咯。
例如帮手买定D蛋糕同饮料啊，去到帮手入下吉仪啊，有人送花牌就帮手俾下吉仪俾送花牌D人啊，一般一个花牌一个，两个就俾两个咯！可能仲要帮手记低送花牌既公司或朋友既名架！个日你拿到吉仪，记住唔好带返屋企，入面一般有粒糖，一元硬币，一块纸巾！糖要吃佐距，硬币要当日用佐距，纸巾都一样！

希望可以帮到你喇！

2008-09-21 16:04:39 補充：
你所订花牌中间应该仲有一行字写架，是乎先人所信仰既宗教而定！但呢D花店都会帮你问返殡仪馆先人所属宗教，先帮你睇下点写张卡~
好似女友既婆婆甘，如果无宗教信仰，又系老人家既话，可能会写：福寿全存！