由大埔踩單車到馬鞍山要幾耐到??路程大概幾遠??

路程不算短,可以作為一日遊,不休息的話,以一個正常速度,單程大概要90分鐘,路線應該係小V字型,因為大埔同馬鞍山中間夾著沙田海.
你可以沿著吐露港公路的單車徑向沙田方向行,大概一個鐘就可以去到馬料水渡輪碼頭,再行多大約5分鐘就到了城門河口,有條橋過城門河,一過完橋向北行(應該係轉左),就應該會好快到馬鞍山市中心啦,過左城門河之後仲有冇單車徑就唔係好清楚啦..總之注意交通啦
要注意當然係唔好炒車啦,小朋友最鍾意鬥快...
要帶定急救包,十個小朋友...小擦傷應該都冇走雞啦
我預計你們單程要兩個鍾,因為小朋友有快有慢,等下等下,要全部一起好難..
好曬,戴帽or著長袖都是好方法
祝你有個快樂的旅程

你知唔知大埔係邊度租車架？租車之後踩返去吐露港單車徑係一個問題，另一個問題就係還車, 因為踩到入馬鞍山市中心d單車徑無咁暢通，要過馬路, 又有大斜路....尤其是你要帶住10隻甩繩馬騮...建議你和你的朋友先踩一次，plan 好條路線，先好帶d細路outing, 最好揾多一兩個大人，一個睇5個好難睇得實.因為假期勁多人, 未必可以貼身睇住