有關尼日利亞既拍賣

基本上你唔洗預佢會入數比你，因為我本身係做時裝批發生意，客人就係尼日利亞人多，佢地好多時都會搵辦法呃你同埋攞著數，而我公司成日都會有佢地o個邊d人打黎叫我幫佢地(源頭係我公司d衫上既吊牌會有我公司電話，佢地就會o係o個邊執我既吊牌黎打比我)，又話自己無錢食飯叫我send 錢比佢，有d就話send錢比我叫我做貨比佢先，最後我當然唔會理佢地(都係騙局)，總之佢地係衰人，客都係咁話，因為佢地國家既問題，d人讀左大學都係無野做，2000蚊都已經係佢地既月薪，而且如果佢要買大多數買超平既野 and 佢地路數好多，會搭到朋友過黎買，
總之佢地好習慣呃人，唔好輕易信佢地。
加上我之前擺對耳環上網bid，竟然有個尼日利亞人話自己係美國做野，又話好鐘意我對耳環我set個直接購買價係100蚊佢話驚會比人bid左話出到$250，叫我send比佢女友o係大陸，之後又話要去銀行搞電匯話佢收到貨，銀行自然會比錢我，經我做生意既經驗我當然知佢呃我啦，但係我都話ok 等我去銀行問下，佢竟然叫我買埋部電話一齊寄，仲話比錢我賺，哇，我即刻唔想再同佢講野。
不過其實佢地個腦唔係好識轉彎，來來去去都係o個幾條橋。

寄去尼日利亞 係好出名ge 412騙案
412係當地有關詐騙法律ge條例

遇到咁...當然唔好上當啦

我都遇到兩次, 其中一次我有部DV仔賣, 有個人就話想買, 仲問有幾多貨, 想要好多部, 跟住我話得一部, 佢就話只係買比個仔當玩具, 跟住就話佢係英國, 但會經Bank of America入錢, 銀行會Hold錢等我比出寄貨收據就會放錢, 貨就寄尼日利亞, 咁我咪話唔寄外國囉.
點知過兩日又有第個話買電腦Game, 仲用香港Yahoo電郵, 咁個價ok, 咪約佢港鐵交收囉, 點知佢又話係英國, 會入錢, 又係寄去尼日利亞.
咁咪又覆佢唔寄外國囉.
因為第一個前言不對後語有蠱怪, 第二個就警覺左些, 英國人去香港買Game寄尼日利亞, 環遊世界乎!?

小心d啦,買結他變買psp..........,我的立場就唔會賣,因為您都查到佢騙人仲賣比佢????!!!!