我想問月經有咩禁忌?

黎果幾日避免去一些地方：
寺廟，有d人話經期的女性係不宜入廟，但如果你對呢方面唔信的話，都無乜所謂，因為你總唔會周圍同人講你經期中啩！除非你同一個信呢d野，又知你黎緊嘅人一齊，就避忌一下。

泳池/海灘/溫泉(所有要落水的地方)，如果你游水或浸溫泉時，見到水中有血，你都覺得核突同唔衛生啦，而且你又唔可以在泳衣裡面用M巾。

其他你可以根據你經期中的情況決定，好似我咁，每次經期頭一兩日都會經痛(有時勁痛，人都企唔直)，所以我個幾日會好少出街，放假都留係屋企(要有地方比我訓底)。

至於食物方面，主要係唔好食生冷野、凍飲，事後可以食d補血的食物，好似波菜，紅棗茶(不過我自己都無食)。
而有d中西藥(特別係中藥)係唔適合經期的女性，有時d醫生開藥的時候都會問你的，就算係一d女性的補藥，都係在經期過咗或黎之前飲。

換M巾的次數要視乎你的流量，一般三至四個鐘換一次，頭一兩晚睡覺最好用夜用型，否則好容易整污糟張床。

另外，你最好mark底你黎M的日子，一來可以了解自己的身體狀況，二來可以黎之前有所準備，帶定M巾出門。黎的時候，選擇著d深色的褲或裙，就算污糟咗都唔多覺。比血整污糟的衫，要用手洗，起碼洗走d血跡先好放落洗衣機。

最初黎M嗰幾年(因人而異)，經期的時間並唔穏定，可能有時一個月，有時兩個月，並唔需要太擔心(除非你曾經同人上床，有d女仔無黎M都唔知自己有咗就可能因為經期唔穏定)，就算穏定之後都未必一定會係一個月一次，我d朋友己經有十幾年，有人5個星期一次，有人兩個月，所謂唔準，是指你次次都是5個星期一次，突然3個星期就黎或都兩個月都無黎。

1. M到唔好食凍嘢,肚痛時盡量唔好食藥,嘗試飲d熱嘢,可以冇咁痛.
2.而黎果幾日冇避免去邊.
3.如果黎M要番學,就最好番學前換一次,小息換一次, p.e.堂後換一次,放學換一次
4.黎M要番學,就盡量唔好成日起身坐低,好易流

黎M有咩禁忌?
我唔媽話唔好上香,唔好洗頭,唔好吃生冷野

不過我都好少理,行街睇戲咩都可以做
因為黎M你生理問題...唔會影響日常生活~~

我覺得唔上香拜神係宗教問題啦
如果你唔係有宗教信仰可以是唔理

唔好吃生冷野對身體都好GE~
因為會M痛...
不過我冇呢個問題所以照吃喝玩樂
如果有M痛可以試下飲熱野...會好D

至於幾時換一次M巾就要睇你流得多唔多啦
通常多流量時我三個鍾左右換一次
少說可以耐少少...
不過唔可以唔換啊~~唔衛生啊~~

黎M好正常冇咩禁忌GE~
不過游水就要用綿奉喔~~
以免流M影響泳池同自己受感染喔!!

最好都係唔好食凍野la!!
我個人就唔會點避免去邊ge!!
最好就唔好做好大動作ge野
會容易流M
第1-3日左右大約2-3個鍾頭換一次M巾
而4-7左右大約4個鍾頭換一次M巾

黎ｍ最好唔好食凍野(eg..雪糕)．．否則可能會有ｍ痛..避免去咁多街..免得流量增多....幾時換一次M巾..視乎流量多同小啦..!!