解夢...20點...高人請入

我發夢

見到自己幫阿媽翻譯一d我阿媽佢唔明o既英文 , 然後我寫o係張紙度,

佢之後拎住張紙問我阿哥果d英文翻譯得o岩唔o岩......然後我阿哥話o岩,

然後突然畫面一跳,

我去左個的士站排隊,點知發現自己排錯隊,我就去另一邊排,

同我一齊排錯隊果d人就跟住我去另一邊排,

之後我就上左架的士,

怪事開始發生,我見到架的士前排座位係有3個位,的士司機坐o係中間,

我老豆冇啦啦坐左o係的士司機右手邊,

跟住我想坐後排座位,點知我個司機叫我坐前排,

於是我坐o係司機左手邊,

跟住開車,我無啦啦摸自己褲袋,搵到兩大抽鎖匙,

一抽係我自己屋企鎖匙,一抽我唔知咩鎖匙o黎,

然後又突然畫面一跳,

我去左一棟唔知咩大廈o既大堂,扮晒住客咁避過保安監視,上左某層樓,

去到某個單位,我就諗住用頭先o係的士o既第2抽鎖匙入屋偷野,點知度門冇鎖,一開就入

入去探索左一陣,點知無啦啦發現有人,但係佢見唔到我,

於是我極速逃離果間屋,最後都冇偷到野

出到後我就諗住行樓梯走,點知開錯度門,去左垃圾room,

跟住我又開第2度門,今次呢度門係樓梯,於是我就行樓梯落地下,落到去走出大堂門口,

走到行人路,行行下.......

我見到2個軍裝警察,一個便衣警察,

當我行過佢地身邊,果個便衣警察突然叫停我同我身後邊某個行人a,

我問個阿sir發生咩事,跟住佢望下我一陣,

突然佢叫我快d跑去我前邊有一架唔遠o既警車o既後邊,

於是我醒水知有事發生,跟住極速跑到架警車後邊,

我見到架警車上邊有幾個警察,旁邊有d路人停晒o係度,

果d路人同警察都係望住同一個方向,都係望住一架私家車,

跟住我見到頭先果位行人a跑去果架私家車入邊,私家車入邊有幾個人,我見到行人a拎起支槍,

射向警車方向,我見到警車入邊一個警察比佢射死左,跟住警察同果班人開始發生槍戰,

於是我蹲低係咁狂走狂走,

我果時好驚,勁驚比d槍射到,

我蹲低走走下去到一個類似後花園o既地方,突然間就醒左!

(有冇高人可以幫我解夢? )