請問肉醬意粉．．．

肉醬意粉人人識整, 我唔寫個做法出嚟. 以大係少少個人意見同秘訣, 俾你參考吓:
1. 用超市有售一罐罐嘅 "Chopped Tomato (切碎咗嘅蕃茄)", 代替一個個嘅新鮮番茄. 開罐後成罐倒入鍋內. 其好處係
(a.) d 水可做肉醬嘅 "湯底" , 唔使加咁多雞湯, 天然 d.
(b.) 無咁麻煩要自已逐隻蕃茄切
(c.) d 蕃茄比新鮮蕃茄 "淋", 唔使煮咁耐 (煮得耐d肉碎會硬).
2. 加一湯匙嘅蕃茄膏 (Tomato Paste, 超市有售). 蕃茄膏有油份可令食落無咁嚡, 亦令 d 肉醬顏色靚 d.
3. 正宗肉醬意粉, 其肉碎係豬牛混雜嘅. 比例係2:1, 即係1磅牛肉碎會混雜半磅豬肉碎. 食落更有口感. 炒肉碎時記得落1茶匙蒜蓉一齊炒.
4. 煮肉醬記得加 2-3塊 月桂葉Bay Leaves (超市有售). 香好多!!
5. 要 d 肉醬勁鮮味, 又銀包有錢, 可以買支意大利黑醋 Balsamic Vinegar. 呢隻嘢超神奇. 煮紅酒, 洋葱, 黑椒等啡汁或煮肉醬, 牛扒等落少少, 超好味鮮美!! 亦可以溝橄欖油嚟做沙律 dressing, 幾神奇! 我廚房一定唔少得!
大嘅百佳 / 惠康. City Super, 360有售. 有平有貴. 有隻La Vecchia Dispensa Balsamic Vinegar, 一樽100ml 就要$430美金(成3千幾蚊港紙)!
百佳有隻 250ml 的 "OLITALIA BALSAMIC VINEGAR MODENA 3 LEAVE LUCIA" 價錢$76.70. 佢哋最平的係 "COLAVITA AGED BALSAMIC VINEGAR" 500ml價錢$34.90. 都ok嘅.

可以用車厘茄會酸D,希望我的意見能幫到您!

有一種既容易又較適合大眾口味的做法，就是去超市買一種叫意粉醬來做，先爆香洋蔥（如愛食番茄可加多１－２個番茄）再加肉碎然後加入己出水的意粉和意粉醬煮至入味就可以，另我覺得你煮３０分鐘太長了，意粉一定太爛。

我都同意樓上那位的說法.
不過你試下再加幾滴李X林「口急」汁呀!
好神奇,真係唔同D,
酸D香D,自己做黑椒汁都用佢,很好味!

因為煮肉醬意粉,我都不用茄汁, 因為它帶甜. 我會用鑵頭的 Tomato Sauce 來煮.這樣會比較好像吃. 如果有乾核桃的話,可磨碎一點放入,會更加好吃.