普通電視用機頂盒有無用?

✔ 最佳答案

係會冇咗雪花同鬼影的,所有機頂盒都有標清輸出俾舊式電視機用的.
數碼廣播一係收到,一係收唔到,係唔會收到但係又有雪花同鬼影的.
但係如果接收太差,會有可能好似VCD咁爆格.不過咁差應該模擬電視都唔係好睇到先會.
機頂盒分普通版同升級版.升級版貴幾百但係可以收埋高清台,就算冇高清電視,一樣可以享受改變畫面比例,選擇子幕,看資訊等功能.普通版機頂盒則只可以睇翻原有模擬廣播的四個台.(其實依家都唔多見有普通版機頂盒賣,只要小心唔好買到貨尾就得)
考慮到日後需要錄影功能,其實可以花多小小買有內置硬碟的機頂盒,即所謂高清錄影機,無論穏定性及便利性都比外置硬碟好.但價錢會貴小小.