古代穿重甲的戰士如何解決大小便的問題？還有女戰士如何解決m到問題？

首先澄清一個觀念，古代既女軍人絕無僅有。人類三千多年既軍事史中，數得出有名既女軍人唔會多過十個。小弟數得出既包括商朝皇后婦好、傳說中既花木蘭、聖女貞德。而且請留意，上述三位女將領，婦好係皇后，絕對會有多啲人照料，花木蘭只係傳說中既人物，唔知係唔係真，而貞德根本只係一個普通農家女，佢係軍中只係精神領袖，而唔係真係衝鋒陷陣既第一線軍人，所以我地可以想像得到佢會有特別既照顧。小弟從來無聽過近代史之前既國家有核心將領及主力部隊由女性擔任。即使係現代國家女軍人既比例增多，甚至有女軍人上前線打仗，但佢地仍然係擔任一啲條件較好既職位，有較多既照料。以美軍為例，空軍有好多女飛行員，而航母上有女彈射員。小弟又見過法軍炮兵有女炮長，但呢啲職位離真正兵凶戰危既第一線仍然比較遠。至少以我所知，依家世界上同歷史上所有裝甲兵、特種部隊、兩棲部隊、潛艇官兵，清一色全部都係男人，而呢啲地方根本就唔可以有女人存在，因為上述既兵種無辦法係戰時為女性提供特別照顧。

著左重甲就梗係無得去大小便，呢啲基本上唔駛問。樓主以為打仗係去郊遊﹖軍人係戰場上只能夠關心自己既生存，其他野完全無辦法顧及。唔好話大小便，係戰場上既軍人完全無涼沖，甚至係受傷同重病既情況下完全無得訓、無野食、無水飲，跟住仲要係極熱同極冷既天氣中孭住極沉重既裝備行極長距離。係戰場上最緊要係生存，其他所有野都唔重要。

2008-09-20 00:04:06 補充：
樓主問左兩個好好既補充問題。古代軍人係作戰時就梗係全副武裝，而且係絕對真係只能管生存。唔單止係因為戰時極為緊張，而且古代戰爭既維時其實唔係好耐。小弟近排睇番亞歷山大既戰史，佢打既著名依沙斯會戰由開戰到尾都只係打左三個鐘，有人甚至認為只係打左一個鐘。一般決定性會戰都只係維時幾個鐘，所以唔食唔訓唔去廁所係得既。

2008-09-20 00:11:47 補充：
至於平時行軍會唔會著盔甲﹖未必唔會，因為其實唔係所有盔甲都好似樓主咁唸係中世紀騎士嗰隻包到實既鐵甲人。羅馬人既盔甲只係有上身，下身基本上無保護，佢地唔單止著涼鞋，仲要男人老狗著短裙添！所以其實羅馬兵去廁所都好方便。另外，古代軍隊入面，除非你係重甲兵種，好似中世紀既騎士或希臘既Hoplite重步兵，否則根本就無人著咁重既盔甲。係古代，所謂既輕步兵及輕騎兵甚至根本係打仗時都無著盔甲，佢地係靠靈活及手上既武器打擊敵人。

2008-09-20 00:20:15 補充：
至於貞德，我係正文都講過佢係法軍既精神領袖。精神領袖係指佢真係唔駛點理打仗，我唸佢身邊會有至少一個既女侍，呢樣野唔係咁出奇。雖然軍隊入面女軍人絕無僅有，但其實古代軍隊入面有唔少非軍事人員，當中就有唔少女人。佢地可能係妓女、侍婢、藝人、家眷，甚至係一啲身份高貴既女士，例如公主或女皇等。我想講既係，如果話當年貞德身邊完全無一個女士係好難令人信服既，只不過佢地唔係軍事人員而已。

2008-09-20 16:01:06 補充：
小弟都不能認同志雲兄所講女性可以因訓練或其他原因而完全無經期，如真有實例，小弟真係好想睇下有關既資料。至於全身裝甲既軍人如何大小便既問題，有可能正如志雲兄話齋求其係荒山野嶺搞店，不過我覺得係戰況最激烈時可能真係只可以賴係盔甲上，畢竟係戰場上生存先至最緊要。

其實好簡單姐= =
出發前準備好,解決所需,
到休息既時候再解決,
加是打仗/行軍時會流汗,,
汗中帶有尿素,
尿素可以經尿or汗排去,
只要飲適量的水都能大部份在流汗時排走,
所以比較少出現急的情況-.-
至於大便,
都是在休息時盡可能解決再出發-.-

另外重型盔甲一般在作戰前穿戴，某些騎兵穿著重型盔甲後，係需要類似起重機的設備吊上馬匹。
重騎兵，例如十字軍中的騎士，都是有錢人家，先至買得起馬，買得起裝備，自然也僱得起隨從，至於隨從要做乜事，各位而家應該估到吧？
至於有冇隨從既問題，我具個例説明：
著名既三百褲兜勇士，根據考證其實吾止三百人，個三百人都係有身份地位既人，因此都有隨從，據估計大約有一千多隨從。基本同他們的主人一起戰死，不過因爲冇乜地位，所以後人都隻係記錄個三百褲兜勇士。

2008-09-30 17:02:00 補充：
如果你讀過相關的作戰描述，就會知道騎兵在不作戰，例如行軍時，騎兵係下馬行走的，並且同時要兼馬夫職責，需要照顧馬匹。因此騎兵的長距離行軍速度，其實係比步兵更慢。

女戰士如何解決m到問題？

用舊木塞住佢!!!

祝融就是一位女戰將了

2008-09-30 14:05:21 補充：
至於全身裝甲既軍人如何大小便既問題，有可能正如志雲兄話齋求其係荒山野嶺搞店
???
有樣野叫尿布

如果你讀過相關的作戰描述，就會知道騎兵在不作戰，例如行軍時，騎兵係下馬行走的，並且同時要兼馬夫職責，需要照顧馬匹。因此騎兵的長距離行軍速度，其實係比步兵更慢。

2008-09-22 21:45:07 補充：
另外重型盔甲一般在作戰前穿戴，某些騎兵穿著重型盔甲後，係需要類似起重機的設備吊上馬匹。
重騎兵，例如十字軍中的騎士，都是有錢人家，先至買得起馬，買得起裝備，自然也僱得起隨從，至於隨從要做乜事，各位而家應該估到吧？
至於有冇隨從既問題，我具個例説明：
著名既三百褲兜勇士，根據考證其實吾止三百人，個三百人都係有身份地位既人，因此都有隨從，據估計大約有一千多隨從。基本同他們的主人一起戰死，不過因爲冇乜地位，所以後人都隻係記錄個三百褲兜勇士。

樓主都想得很極端環境，當然生理需要，無可厚非。事實一般中世紀全身重盔甲，其設計都是開褲襠的(包括盔甲及內褲)，因為步行及騎馬要舒適關係。再加上在古羅馬時代，歐洲已使用坐厠，所以無論男、女，要解決生理問題根本不算是問題，大、小二便都不用卸甲。
在作戰中，如想去厠所，在荒山野嶺，就地解決亦不是難事。上文說戰士會穿內褲，其實這是中世紀以後之事，中世紀以前之戰士，極有可能不穿內褲，騎馬者只會包繞一片布而以。
至於女戰士，除了貞德外，尚有傳說中之阿色士女戰士(在古希臘時代)，這些阿色士女戰士是專業軍人，體能出眾，所以估計不會有經期，根本不會來M，樓主不用擔心。至於貞德是農家女出身，當時精神上又負很大壓力，是極有可能不會有經期的。這情況與現代奧運會之女運動員情況一樣。

2008-09-20 22:51:59 補充：
現在之蘇格蘭裙之正確穿著方法是全真空，這蘇格蘭裙是一種極傳統之衣飾，估計由公元四、五百年已是如此穿著。古羅馬時代，完全無褲這種衣飾，當時男性都只穿長身衣，腰結帶而成短裙，有理由相信是真空穿著，就算是戰事穿上盔甲。樓主見過那些銷子甲，正因是真空穿著，像穿裙一樣去厠所，這才沒有甚麼問題。在戰場上戰士如果習慣使用坐厠，就當然會使用馬桶。

2008-09-20 23:09:37 補充：
至於女性之經期，如果學過運動科學之人士或中學生物老師都知，當女性之脂肪低於某一水平，這對女性是困難時期，生理於自我調節下就會停經。初期可能是經期不準，但漸漸就會完全停止，直到脂肪水平再次提高，經期又會再來。至於貞德如果只因精神壓力太大，通常只會引至經期不準，但因我沒有與其驗身，當然不知貞德是停經或經期不準，所以我才說是極有可能。