雪櫃側邊好熱-程度係燙手

因為雪櫃是利用〝氟里昂液化氣〞喺蒸發氣體時要吸收熱量原理設計。
例如雙門雪櫃，雪櫃底部裝咗壓縮器，而壓縮器係要幫〝氣態氟里昂〞增加壓力令佢温度提高，當氣態進入冷凝器降温就變成〝液態氟里昂〞，而液態進入上格冰箱蒸發器時，又變成氣態大量吸收儲藏食品的熱量，將熱量帶回壓縮器之後，又再進入下一個製冷循環，直到冰箱温度下降而去到冷凍温度時，就會自動停止，温度上升時再繼續。
呢個係循環過程，唔關磁石事，只過係雪櫃兩旁用作散熱，可能你雪櫃有太多食物，所以温度會提高。

記得冰箱放的位置後面要有足夠位置散熱就不會有問題，最怕是附近全封密，如在上下左右用柜封密就會有引致火警危機。

雪櫃邊好熱是防潮發熱線發揮作用,不讓你的雪櫃門邊結霜,算是正常。
重點是,你需要檢査一下你的雪櫃門有否關貼。

我諗應該唔會,因為我個雪櫃仲貼左唔少磁石
雪櫃熱系自然架,你個雪櫃唔會熄架嘛,所以咪會熱law
只要雪櫃同你個廚桌系分開,而唔系貼到實既,就多數唔會有危險
如果你真系怕既話,將你個什物架移開,咁就冇野啦~