我好擔心喔... >

bb係你個肚入面，會感受到你既情緒，所以d人成日都話，有左就要開心d，比bb都感染d開心既氣氛
係我有左既時候，都因為好多好多事同另一半嘈，亦有喊過。不過我自己本身既性格係比較樂覲，所以就算喊過，唔開心，都只係一段小時間，隔一陣冷靜落黎就會冇事。而家我個仔都兩歲幾，都好鍾意笑，好活躍。
兩個人係唔同既環境、圈子長大，突然係埋一齊朝夕相對，實會有好多唔同既觀點唔同既角度去睇事物，結果就會鬧出好多唔開心既氣氛。但係你地要面對既唔係一兩個月，係一生一世，所以有咩事盡量都唔好鬧交，心平氣和大家拎出黎傾，(雖然未必一定即刻可以做到，不過隨著bb既出世，佢唔多唔少都會改變到，因為我老公都係咁)
尤其係你而家有左，真係激動得濟會動到胎氣。至於動胎氣，就即係因為你本身既情緒起伏得好厲害，不論係開心定唔開心，有太大既起伏都容易動胎氣，亦即係本身平和既氣氛突然受到猛烈既刺激，就會有唔穩定既情況。
所以唔小心動到胎氣既話，就會令bb佗得唔穩，有機會會小產。
最後都係果句，退一步海闊天空，心平氣和去面對，大事化小，小事化無
祝你有個愉快既懷孕期，同生個開心健康既bb