中專文憑的屋宇裝備工程學?

三年制中專文憑 (屋宇裝備工程) 適合完成中三程度既同學, 讀完之後你可以學到好多行內既專業知識.
做野方面, 你可以投身各項的建築及機電工程，包括屋宇裝備行業中的冷氣、消防、水務及電氣等等既行業，亦可投身樓宇設施管理行業。
唔想咁快出黎做野既, 亦都可以報讀返VTC舉辦, 相關既文憑或高級文憑, 繼續進修
中專文憑課程係參照政府制訂既資歷架構去設計既, 完成課程既同學都可以得到明確既資歷同埋學銜, 無論升學定係就業都可以獲得認可.


至於電機技術員證書課程... 你係唔係講緊 一年制電機工程技術員基礎證書 或者 電機技工證書???
一年制電機工程技術員基礎證書係俾 完成中五 程度既同學讀, 畢業生可獲豁免「電機工程」技術員學徒第一年之訓練期。並可加入業內各大機構成為第二年「電機工程」技術員學徒，繼續接受三年在職培訓。在取得技術員學徒證書及所修畢之高級文憑後，連同二年之實際電力工作經驗便可向機電工程署申請註冊成為`B'級之電業工程人員。往後繼續進修，在獲取有關學歷及工作經驗後，更可申請成為專業工程師.
做野方面, 你畢業之後，可以有專人介紹工作，畢業學員可入職電機行業擔任技術員學徒或初級技術員工作。課程畢業生近年的就業率近乎100%。

電機技工證書係俾 完成中三 程度既同學讀, 佢係個3年 日間兼讀制 既課程.
畢業生可以獲得政府機電工程處認可為符合電力工程﹝A﹞級證明書學歷要求。
另外, 可以受聘為家居及辦公室電器維修技工、電氣技工或電力設備裝配技工。


總括返上面提過既幾個課程... 中專文憑果個對你將來升學好d, 但如果你唔打算再升學既, 你就再睇返自己適合讀邊個課程啦...


另外回應ak4724453825 講既野, 你話VTC, IVE 唔係讀書既地方, 日日遲到都無問題... 其實你有返咁大個, 都無人逼到你去做任何野架啦, 係唔係準時, 真係睇你有幾自律. 而我自己亦都係讀IVE既, 我唔敢話個個同學都好好, 但我好肯定, 你肯讀書既, 你晌學校裡面真係會學到好多野. 而我自己亦有個friend, 之前讀完中三就無讀, 出去做搬搬抬抬做左三四年之後去左讀中專, 讀左唔夠一年, 成個人變晒, 純品晒、成熟晒.

三年制中專文憑的屋宇裝備工程,我勸你唔好讀.唔係你會好後悔,因為之前我都係讀呢一科,但係讀左半年左右就無讀囉,因為果時一班20人左右,但真正上堂學生只得1.2個,其他個個學生上堂搞事,嘈住晒,又成日搞人。日日遲到都無事既,染頭髮學生又有。我認為你如果真係想學一門技術,你最好睇下有咩地方可以學囉,因為vtc和ive果d真係唔係讀書既地方~我有個朋友,他今年7月果時報中專文憑,我反對他報和講我之前響果度讀有咩問題等等,佢都唔聽我講,最後佢報左,而家佢仲要讀緊中專文憑,我上個星期同佢出街,見到佢頭髮染左色,仲要食緊煙,我問佢做咩搞成咁,佢話因為果度個個學生差不多都係咁,如果自己唔係咁,好易比心恰,所以只好學壞囉~