我不知該怎麼做?!

我覺得我同佢之間好有問題, 我唔知道點樣解決好, 各位可以俾啲意見我嗎?!我21歲, 我未婚夫37, 我同佢一齊一年, 年頭時我過了美國讀書, 我地之間都keep到, 冇問題, 佢仲又送我過去, 佢放假又過去睇我, 樣樣都對我好好, 咩都照顧到我, 又好緊張我, 令到我都覺得我值得嫁俾佢, 我就番來了, 大家決定今年結婚仲同埋全部人講添,佢在我去美國前買了樓, 買當時佢仲話寫我個名, 但到最後去律師樓簽名時就冇, 我呢樣野冇話點怪佢, 可能係因為仲未結住, 但我都有諗過, 我從來都冇叫過佢寫我個名, 係佢自己講, 但呢啲咁重要的事都會講完就算咁!! 咁我番左香港啦, 一齊住喇, 諗住好好地, 大家會好好地咁落去, 但之間就越有問題, 佢自己做老細, 以前番公只得一至五, 六日跟本上都唔使番公, 但自從我番來之後, 佢星期六都要番工, 有時我打去佢公司, 佢都不在公司的, 我話我黎接放工, 佢實有藉口, 一係呢樣一係o個樣, 就係唔想我去接佢咁, 以前就成日兩個會傾電話, 依家佢好似聽到我把聲就覺得我煩咁, 我咩時候打電話俾佢佢都話多野做, 唔傾, 而兩個又冇咩話題, 成日話多野做, 我偷睇佢手提啲記錄, 同佢啲朋友就傾成半個鐘, 就係同我收線話開會的時候, 自從咁之後我中午冇打過俾佢喇, 到星期日放假, 又唔會同我去下街, 我叫佢同我去下街, 就話一星期先放一日假, 想訓, 一番到屋企就只會同我講好累, 好多野做, 我叫佢去呢度食野, 又話貴, 又話間野冇左..呢樣o個樣, 一出左門口, 就好似唔記得我, 又唔會關心我, 以前成日去睇戲, 又去呢度又去o個度, 依家佢只會話冇錢, 我話佢係咪有第二個, 佢話冇, 又話我一放工就番屋企, 去得邊, 佢俾左visa我用, 我一個月用佢張卡都係3000左右, 加埋1500係lunch, 一共都係4500左右, 佢就成日話我大使, 話佢自己冇錢, 我真係唔信, 你打工就話姐, 自己做老細, 佢又話我點解唔信佢, 因為俾我知道佢講大話, 有次佢出trip, 明明都番了香港, 仲要俾我個朋友見到佢, 我問佢在邊, 佢仲要話做緊野, 我個晚睇佢個袋, 係去攞朋友的請帖, 但點解要咁同我講大話姐, 我特登問佢好多野, 希望佢會同我講真話, 但都係冇, 仲夾埋佢朋友一齊講大話添, 後來我忍唔住, 講穿佢, 次後有次話見客, 但其實係同佢老豆, 媽媽食飯, 又呃我話見客, 我問佢見成點, 佢都係對我講大話, 我話你真偽去見客咩, 佢仲要話係,2女一男, 佢講大話時真係同平時一樣, 我自己真係唔信佢, 佢講咩我都唔信,所以佢問我點解唔信佢丫痳?! 我咪話因為咁囉, 我覺得我用佢一個月都冇5000我要咁受氣做咩姐, 成日話我大使, 我咪嬲到俾番佢囉, 佢起初冇收起, 放在桌面, 之後仲收埋添, 我依家冇同佢住埋一齊了, 覺得我同佢一齊, 我錢又冇得用, 愛情又冇..?!我點樣做姐? 我唔係一個公一份婆一份的人, 但佢係呢種人, 佢以前成日話叫我出去做野, 見識下係點樣, 我話, 好多老公都想個老婆在家, 知道出面做野辛苦, 都唔想自己個老婆出去做野辛苦, 何況佢自己又唔係冇能力, 之後佢冇再叫我去做野, 但又話我大使, 又話冇生意, 言下之意咪又姐係想我去做野, 我同佢講, 依家兩個人拍拖都話我好用咁多錢, 咁第時真係有家庭, 有bb時開支咪仲西利? 我地呢家成日嘈交!! 大家完全好似斷晒咁, 個個都睇得出佢對我同以前完全唔一樣, 佢好似第二個人咁, 佢唔俾錢我用, 咩野都唔陪我, 又唔同我去呢度去o個度, 夜晚番到屋企就想有人陪, 一個要做初一,另外一個先做到十五架!! 你地話係咪先?!我咪唔鬼理佢唔陪佢, 我都唔知點做好, 個個都叫我番去讀書, 但我係當時人, 我冇得真係咁樣話走就走, 我真係鍾意佢, 我地的問題係咪因為錢呢?!其實只要雙方講是旦一個講, 好啦, 我用少啲啦, or佢講, 咁你用啦, 唔過份就得啦, 但兩個都唔會咁做囉, 但我自問唔過份, 我同佢講, 我從來只會聽佢講佢冇錢, 叫我唔好用, 但從來都冇聽佢話, 老婆你鍾意啲咩你買啦, 真係未試過, 種種令我會覺得佢係捨得用落自己度, 但唔肯用落我度囉!!我唔知點樣做好, 我諗住我依家搬走, 等佢如果緊張我, 會改變一下佢自己啦, 點知都係冇用, 仲話番我添, 話我依家你都搬走埋啦, 問番我話佢可以點做喎? 如果係好的話佢點會連個女人都留唔住呢? 我好唔開心, 我一向都冇諗過會結婚, 係佢令到我相信真係有呢樣野, 成日同我講將來, 令我真係覺得會一齊好好地咁落去, 結婚生仔, 有個好老公, 但依家好似全部野都唔同晒咁!!