關於入讀醫科 我係中5生 讀6科

基本要求:

中大醫科:

高考: 中化E級或以上, 英文D級或以上, AL化學E及或以上, 再加兩科化學以外的理科AL(或一科AL+兩科AS)合格.

會考: 良好語文成績(建議中英文), 再加良好生物, 化學, 物理, 數學科成績.



港大醫科:

以下組合中3科AL或6科AS合格:

1. 化學科, 再加上以下幾科:

Physics, Biology, Pure Maths, Applied Maths, and Maths & Statistics

或者

2. 化學科, 再加上以下幾科:

Physics, Biology, Pure Maths, Applied Maths, and Maths & Statistics,

再加其他等同2AS既科目.



會考要求:

1. 如果高考/高補物理無E級或以上, 就必須在會考物理中合格.

2. 如果高考/高補生物無E級或以上, 就必須在會考生物/人體生物學中獲得C級或以上成績.



兩間大學既醫科生既會考同高考成績係非常高.

75th percentile/90th percentile都起碼會考25分以上,

AL起碼1-2條A, 其他科都係B-C, 至多都係1科D.



但如果你唔想讀AL咁辛苦既, 你可以經拔尖入.

基本要求係會考6A或以上, 英文課程甲既A就唔計.

6A當中可以包括埋中英文. 但如果中英文A唔到既,

你就要係中英(syl.b)拎C或以上, 英文課程甲就要A.

不過醫科6A都未必可以拔尖入去, 起碼都要8A, 而且面試良好.



大學就無話有咩病就唔可以讀醫.



至於你話AL成績好好, 但會考一般,

入去既機會大唔大, 就睇下你對於好既定義係點.

雖然兩間大學都唔係count好重會考成績(港大: 20%, 中大: 25%),

但係會考差少少就可以唔收你.

如果你係話2A-3A既, 咁既成績都未必得,

因為入得去醫科大把人有2A或以上,

會考差少少已經唔收你, 4-5A, 其他科B就有可能得.



不過最大既問題係, 近呢幾年好多尖子生爭入醫科,

而且而家無限每間大學收尖子既上限,

所以收生成績好大機會會再升, 或者維持番上年既水平.



仲有, 有D大學(e.g. CUHK)係有兩輪面試, 一輪係AL放榜前,

主要根據你既會考成績同選科次序去揀人.

另一輪係AL放榜後.