我的父親過身了,有關身後事如何處理?

1. 涉及政府的手續很簡單, 首先是醫院跟你們埋單計數, 然後轉遺體去殮房, 當你們安排好一切(這部份下面再說), 從殮房領取遺體, 排期火化(假設你們火化), 領骨灰, 申請死亡証, 這些費用有限
2. 最煩的莫過於大酒店守夜的安排, 費用可大可小, 程序可煩可簡, 視乎先人的宗教及你們的習俗, 如果用道教儀式, 會煩死, 費用最貴, 佛教次之, 基督教及天主教好簡單, 花費亦最少, 儀式要與教會商量, 回教我唔識
3. 費用最大的兩項是靈堂租金及棺木, 兩樣都可大可少, 大酒店的房間視乎需要而定, 如果先人的人面廣或宗族人多, 要訂大的靈堂, 反之如果來的人不多, 大房間會顯得靈前冷落, 兩種情況都不好, 棺木可平可貴, 如果親人不介意, 幾千元都可以有一個, 反正轉頭就燒掉, 講究的, 要有睇頭的, 可以貴至五萬起, 十幾萬都有
4. 靈堂守夜大約至晚上十時要走, 第二天早上要上山, 即去火化, 之後落山, 飲解穢酒(食飯), 整個過程結束
5. 以上的繁文縟節現在有專業的服務公司代勞, 宜先打定價, 在殮房找生意的通常開天殺價, 如果不是鋪張浪費, 一般五萬可以落樓, 如果沒有可靠的服務公司, 可以直接找大酒店安排, 他們一樣有一條龍服務
6. 最後是骨灰安奉的問題, 可樣可平可貴, 華人永遠墳場的普通位只售兩千四百元, 家族位二萬一千元(可安奉4位先人), 寶福山可以貴到過十萬元, 如果不火化, 要買地就更加貴啦
7. 太太無謂去啦

很多謝您們的指導,兩位我都想選定最佳解答,我願意兩位都由我的積分中給予雙倍積分,可以如何處理呢?

馬上聯詻賓儀.....所有佢哋都會幫你處理.....你太太同先人屬家人...只需在靈堂佩戴一些物件便可...例如<薑加紅利是等之類>.....在大殮封棺時...你太太必須回避.....賓儀人員會教你點做......如火葬....政府己無位....不防考慮沙田萬佛寺...他們再翻新.....我弟弟剛安放那裹.....安放地方室內中間位置更有一座大觀音<2層樓高>...我弟弟之位大約四萬元..睇番先人安放位置....價錢包括有位和尚諗经請先人上位.....環境方面....你沿路行上去萬佛寺......兩旁沿路都有大金佛像.....直至到達也是....你可去睇睇.....當選擇安放骨灰地方時....必須知道地方是否己屬該寺..<萬佛寺>旁有一間......忘記名字<xxx>他們地契有問題.....那邊只有寶福山跟萬佛寺可考慮.....聯詻賓儀時....必須問清楚要附加之費用....你可到....我<我的回答>睇睇是否幫到你......願亡者...一路好走...節哀....

2008-09-20 22:57:11 補充：
你太太同先人屬家人....百無禁忌....中國人以孝為先.....太太絕對可以去....當年我媽媽出殯時.....我姐姐剛懷孕2個月.....都無問題....所以....睇你和你太太想法...

2008-09-20 23:08:26 補充：
http://hk.knowledge.yahoo.com/question/question?qid=7008091100407....