我同e家個男友由中3開始識既.
中3中期佢同我個好朋友一齊咗二星期
就散咗(因為佢話唔似拍拖)
之後中3尾.佢搵佢朋友同我講佢鍾意咗我
當時我好亂.無理佢.扮若無其事
我地一直都係好好朋友既關係.
到升中4大定唔同科.唔同班
開頭個幾個星期..佢成日搵我.叫我俾我d課本俾佢睇
我知佢鍾意我.我當時對佢既感覺只可以講到係好感
唔可以話係鍾意.之後無幾耐.10月度佢就同咗佢班個女仔拍拖
當我知道佢地拍拖時.我會想知個男仔係咩心態.點解咁易就鍾意人?
佢地拍緊拖時我都仲係晚晚同佢msn的..
而佢緊拖個個女仔就聽埋聽埋好多我地既野.佢好似覺得我有意搶佢男朋友.到中5 頭佢地開始有問題.最後分咗手..我地都係照常日日msn ..我知佢鍾意我.但佢開不了口.............最後我地經歷咗好多野!好多的估下估下.好多的了解
終於考完個會考一齊咗.到E家拍咗4個月拖..我好愛佢!但我e家成日覺得我對唔住佢前女朋友.因為佢係佢xg打過話佢其實好唔甘心
但我男友又同我講.初初識佢覺得佢好好.但拍拖時就開始有問題.成日要買名牌俾佢.唔買就會嬲.無啦啦又會嬲. 之後仲未分手就同第2個男仔一齊咗.佢話簡直係中學生涯既污點喎.又話中4時佢有諗我的..又講咗中3時就鍾意我..但因為我講過我會考完可能會去外國讀書.所以唔敢同我一齊..但其實我有D嬲..點解你鍾意我又要同第2個一齊??E家我幾個好好朋友同個個女仔FD咗.搞到我好唔自在..有個個女仔既活動都無我份.搞到我好似無晒朋友咁...講到尾都係個男仔搞到咁的..E家我成日都上個個女仔既XG.我亦有佢個MSN(但從未講過野) .佢成日影好多相都放做頭像..我又係度諗.我男朋友會唁會有諗返佢..我好多疑.又無可能要佢DELETE佢MSN.好辛苦..但其實我知我男友好愛我的..我點可以唔咁多疑呢?? 我又驚佢好易動心.好快又鍾意第二個.點好??
好長!!SORRY
點樣可以放開d 唔好咁多疑呢
2008-09-16 11:30 pm
回答 (4)
2008-09-16 11:49 pm
✔ 最佳答案
得罪講句：妳知道佢好愛妳，我覺得呢一樣野已經係一個問題...正如妳所講，佢當初喜歡妳，但又可以同另一個人拍拖，佢可以話自己唔知自己做緊咩，現在好愛妳，但又會唔會好似己前咁，其實舍 心又愛另一個呢？妳會唔會又係同佢既ex- 一樣？之後佢又同另一個女仔講，佢一直鍾意住佢呢？妳對佢既信心基本上係好小...妳多疑係正常，佢個底咁花...妳自己都覺得有問題...點解重要同佢一齊？如果妳真係想keep住落去既...首先妳自己要清楚自己鍾意佢D咩？有冇野值得妳再同佢一齊，要考慮既係將來遠小小，除非係想拍散拖。要先自己多一點相信他...其實我會覺得好難...但要時間慢慢過去囉...
2008-09-19 10:26 pm
鐘意一個人不應有疑心,似乎佢俾唔到安全感你了,有時不是自己看到,不要疑神疑鬼
2008-09-17 10:32 am
妳講黎講去都只係圍繞住一班無知既小朋友扮大人拍拖
如果妳係想解決到妳依家呢D感情問題
妳唯一既方法就係學識咩叫做愛,點樣去為自己既行為負責
當妳做到之後妳就會識得好好處理妳自己既感情
更加唔會隨便對D口花花既廢男生著迷
到時妳先再出黎拍拖就唔會再有妳呢D低能問題發生
如果妳係想解決到妳依家呢D感情問題
妳唯一既方法就係學識咩叫做愛,點樣去為自己既行為負責
當妳做到之後妳就會識得好好處理妳自己既感情
更加唔會隨便對D口花花既廢男生著迷
到時妳先再出黎拍拖就唔會再有妳呢D低能問題發生
2008-09-16 11:45 pm
其實一個人唔一定只忠愛於另一個人，心入面可以擺無限個人，只要佢既愛可以分配到咁多個的話，就算千萬個都得，得要分得出好感同愛係兩回事，我見到你自己都打左出黎明白有段時候只係對佢係好感。
所以放棄另一個唔代表唔愛果個而係代表最愛果個係你，當然可以有例外。
其實佢exgf就算唔甘心都係咁，你男朋友都話佢ex話唔買名牌俾佢就嬲嘛，即係其實本來個gf就有問題，你根本就唔需要理佢感受，你如果有睇家好月圓，入面都有句話"情埸如戰埸"，係咪?我意思唔係話你搶，意思係，個男仔情歸何處根本你同佢都冇得勉強！所以你唔需要因為咁而覺得對唔住佢ex,話哂係你同佢一齊在先,之後先到佢,話就話愛情冇分先後,但點都好,佢都係識你在先,要講邊個對邊個唔住就一定係個女仔,而唔係你,而且睇你咁講，你男朋友睇黎一直都係愛你，只係唔敢講，怕你唔受姐！
好多人都覺得男仔係應該採取主動，你明知對方鐘意你，你又鐘意人，但你地偏偏鐘意玩catch黎catch去既遊戲，所以你先會咁心亂，有乜野咪大家坦誠咁同對方講囉:)
當愛情冇左互相信任之後，再一齊只會令自己辛苦，成日都要質疑對方會唔會又再次做出不忠既行為，係咪先?所以當係俾次機會自己,俾次機會佢,將你自己心入面既憂慮同佢講出黎啦...
同埋如果佢真係又有下次,鐘意左第二個的話,咁已經証明左依個男仔唔值得你愛啦:P所以唔好將唔係自己既責任都由自己攬哂上身,遲早個男仔就憑依一點可以騎住你!!千萬唔好!!
仲有，再見左就一定唔會再有朋友，有都係虛偽。
如果你問佢係咪仲鐘意ｅｘ，佢話唔係，都唔好信！知嗎？女仔唔好咁傻，信ｄ曾經對自己不忠既人！
一次不忠，百次不容！
ps//男仔見到唔好話我，我只係講緊ｄ壞男人。
有乜野想搵人開解的話 可以add我msn : [email protected]
所以放棄另一個唔代表唔愛果個而係代表最愛果個係你，當然可以有例外。
其實佢exgf就算唔甘心都係咁，你男朋友都話佢ex話唔買名牌俾佢就嬲嘛，即係其實本來個gf就有問題，你根本就唔需要理佢感受，你如果有睇家好月圓，入面都有句話"情埸如戰埸"，係咪?我意思唔係話你搶，意思係，個男仔情歸何處根本你同佢都冇得勉強！所以你唔需要因為咁而覺得對唔住佢ex,話哂係你同佢一齊在先,之後先到佢,話就話愛情冇分先後,但點都好,佢都係識你在先,要講邊個對邊個唔住就一定係個女仔,而唔係你,而且睇你咁講，你男朋友睇黎一直都係愛你，只係唔敢講，怕你唔受姐！
好多人都覺得男仔係應該採取主動，你明知對方鐘意你，你又鐘意人，但你地偏偏鐘意玩catch黎catch去既遊戲，所以你先會咁心亂，有乜野咪大家坦誠咁同對方講囉:)
當愛情冇左互相信任之後，再一齊只會令自己辛苦，成日都要質疑對方會唔會又再次做出不忠既行為，係咪先?所以當係俾次機會自己,俾次機會佢,將你自己心入面既憂慮同佢講出黎啦...
同埋如果佢真係又有下次,鐘意左第二個的話,咁已經証明左依個男仔唔值得你愛啦:P所以唔好將唔係自己既責任都由自己攬哂上身,遲早個男仔就憑依一點可以騎住你!!千萬唔好!!
仲有，再見左就一定唔會再有朋友，有都係虛偽。
如果你問佢係咪仲鐘意ｅｘ，佢話唔係，都唔好信！知嗎？女仔唔好咁傻，信ｄ曾經對自己不忠既人！
一次不忠，百次不容！
ps//男仔見到唔好話我，我只係講緊ｄ壞男人。
有乜野想搵人開解的話 可以add我msn : [email protected]
參考: 自己
收錄日期: 2021-05-01 09:39:38
原文連結 [永久失效]:
https://hk.answers.yahoo.com/question/index?qid=20080916000051KK00874