入黎幫幫手呀...

好少事姐,唔洗擔心~
呢個case上面我又覺得怪得晒你既,不過咁,中秋節想自己男朋友陪都唔係d咩錯丫,不過錯就錯在你地溝通上啦,你約到frd之後有冇同佢講返你有咩節目,行程如何??佢幾時話返比你知佢原來得閒??你知道左佢得閒之後有冇主動叫佢join埋你地玩先,有時女仔係會有少少扭擰,佢可能好想同你一齊出去,但佢又未必識你d frd或者驚出左黎你掛住同frd玩唔so佢,最緊要知道佢唔開心d咩,嬲你d咩,事情易辦好~多
我自己都係女仔,但我唔覺得買野比我就一定tum得返我,當然你買野比我我都會開心既,但係你要留意下自己用咩心情買野送比佢,你想敷衍下佢,等佢拿拿收左當冇件事??你真係想送返d野tum佢開心先??
我自己覺得送野唔係大晒,當我懶pro咁講句:女仔諗野係偏向用右腦多d架,好多野都睇feel,但當然我唔排除有d好物質主義,鐘意名牌搭夠既你一送野比佢就乜事都冇啦,但好多時發下細路女脾氣,扭下計,都係想你關心佢多d,care佢多d姐
你試下搵日傾電話好,見到又好(最緊要主動,愈快愈好,唔好等到佢自己開聲先既話你就冇好日子,可能以後嗌交什麼會拎返出黎數你)同佢say sorry,話你自己唔係有心既,因為本身聽佢話唔得閒,諗住自己搵節目,點知到佢得閒果陣你已經約晒人,冇理由甩人底架,但你果下又蠢左冇諗到叫佢join一齊,驚佢同你班frd唔岩玩你會悶之類(如果你真係有咁諗),應承佢可能黎緊禮拜6,日補返咁囉,如果佢唔so你一咪發小姐脾氣既你都要忍一忍先,禁住自己d火,因為嘈起上黎對件事一定冇幫助,同佢講:我都係緊張你先會同你道歉,同你解釋,跟住呢句好緊要"""因為我覺得你會係一個明白事理既人"""當然啦,呢成句野係響你道完歉之後佢都唔受既話先講啦,如果一開始攪得掂就唔罍咁煩喇,我斷估你女友唔會衰到應返你一句:係呀,我係唔講道理架喇咁點丫"至於禮物呢你可以買左先,到時weekend見到面果陣再送埋比佢,即刻lum晒-v-
唔好意思有少少長,希望呢個方法幫到你,至於d句子點樣加加減減改少少就你自己執喇,始終個女朋友係你既,要點講先tum到佢buy你你自己應該最清楚不過,加油囉>v<

拍拖係好唔公平架喇~愛一個人,就唔可以令佢唔開心!
你唔好去追究對錯tim呀~唔係大家都唔開心收場;
點都好啦~你去道歉(1000萬次)~仲有買番d禮物比人啦~
同佢講:
「xxx(佢個名),對唔住呀...果日我真係唔知你會得閑架...係我唔好
lor...咁早約左人...你唔好咁激氣啦...sorry呀...我(唔好講「最多下次陪番你啦」緊記!)下次一定會陪你...黎啦...唔好嬲啦...」

祝成功~

當然係你唔0岩
因為你冇好好考慮下佢係想點
佢誤導你係唔好
當係你既表現同呢個發問既言論反影出你係一個極差既男朋友!!!!

成件事梗係你岩啦~
佢真係無理取鬧！
不過
如果你真係想哄番佢既......
就學下電視劇果D男主角啦~

首先你要清楚知道邊個唔。佢自已話唔得閒在先，之後佢又話得閒bo..而你已約晒D fd玩。你可以話比佢聽，錯的不是你而係佢，雖然很多人會話愛情係盲目的，但亦要講道理，如果你唔糾正佢只會縱壞她，久而久之佢會什麼都覺得自已，到時你仲煩死…其實兩個人拍拖，都會互相影響，互相學習，如果可以從中取得平衡相處之道，才會少了衝突。教教她如何做個明白事理的人…

你知唔知自己因為 d 咩，激嬲佢， 如果你知，你就應該改左佢，唔好重覆犯錯，而且俾 d 誠意，等佢知道你係真心，雖然買禮物有時係情趣，但佢係咪真係需要呢? 可能有時一個句 sorry 佢已經接受，如果佢暫時唔聽你電話，你可以試下寫信 (加埋自己d lum lum 公仔 / 字句，我唸都 ok) - (雖然好似好土，但橋唔怕舊，最緊要受) / sms 。