平時食薑醋得唔得? 自己整唔加豬腳得唔得? 有咩壞處好處? 同埋點整?

平時食薑醋得唔得?
得無問題
自己整唔加豬腳得唔得?
得無問題
有咩壞處好處? 同埋點整?
薑醋食譜做法
材料(十人份量)：十斤(4.8公升)八珍甜醋，五斤去皮生薑，兩隻豬腳 (亦可選用質地較柔嫩的豬手)，斬開約八至十件，熟去殼雞蛋十隻，一斤八珍黑糯米醋，
做法：產前一個月，預先將甜醋及生薑放入瓦煲內大火煮兩小時，每隔一星期煲滾一次，以免細箘及霉箘滋生，派送前二至三日，把豬手豬腳放入滾水中飛水去油及沖洗乾淨，把豬手豬腳放入已預備好的薑醋中煮滾，以慢火煲豬手豬腳至腍熟，加入八珍黑糯米醋稀釋及增加鮮味，下雞蛋再煲十分鐘，即可趁熱享用。
豬手：豬腳(喜歡吃肉的，可以買豬手)預先斬件，放入滾水中出水，再用清水洗乾淨，撈出黎風乾(全部落煲既野都要先風乾，唔係會溝淡晒d醋)，吹大概大半日，放入鐵鑊內加適量生油爆香與薑一齊放入瓦煲內，放入甜醋浸過生薑和豬手，開火煲至醋滾，便可原煲離火。豬手浸得太耐會溶，就算撈起，都散收收唔好睇，加落醋度個煲會無咩位，將d薑豬手同埋醋排過位lor。
薑的處理：將薑去皮洗淨，吹1天然後拍鬆，一般用菜刀拍1或2次有裂紋就得，用鑊炒加幾粒鹽炒，再放少少油用鑊爆，要不斷反覆炒，以避免烘焦，有少少金黃便可，用意抽乾水份，煲笫1次時不要大火，利用文火煲至沸關火，焗2至3次才好味。
蛋的處理 : 如喜歡吃硬蛋，要早一些落，最少跟薑煲兩三次，因愈浸得耐，d蛋愈硬，如吃普通醋蛋，則吃之前一日放便可。
薑醋對產婦的好處
產婦產後即時可以飲用薑醋，薑醋對產婦身體早日康復，尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用；豬腳含有大量鈣質，而薑醋可以將之軟化、有助產婦補充失去的鈣質。而雞蛋含有八種人體必需的氨基酸，多種礦物質和維他命等多種成分，對產婦身體補益大有好處。

1 ) 平時食當然無問題啦! 咪點解亞媽 / 奶奶成日都叫女人應該食多 d, 佢地話呢家嘢 ( 薑醋 ) 仲補過食燕窩呀! 不過值得推介就係用嚟撈白飯一齊食, 好好味架 ( 舔咀 ), 你諗下, 連我亞爸係男人都一樣咁鍾意食就知啦! ( 諗起都流口水呀! )

2 ) 自己整當然可以啦! 仲可以鍾意點整就點整添!

3 ) 好處就知薑係可以驅風, 壞處就真係諗唔到 ( 唔知食上癮算唔算呢...嘻嘻 )

4 ) 整法 : 對唔住! 因為我通常負責食, 所以幫唔到你o


P.S. : 次次去親上水中心嗰間海港海鮮酒家一定叫架, 呢間食過特別好味, 自覺無一家可以代替, 但缺點係 -- 愈食愈多薑, 無乜 " 肉 " 食o